ຂປລ.
ການສອບເສັງເຂົ້າເປັນລັດຖະກອນພາກຄວາມຮູ້ທົ່ວໄປ ໃນວັນທີ 14
ກັນຍາຜ່ານມາ, ຈຳນວນຜູ້ທີ່ເສັງຜ່ານຄະແນນ 50% ຂຶ້ນໄປມີ 32.572 ຄົນ
ເທົ່າກັບ 89,78% ຈາກຜູ້ເຂົ້າສອບເສັງທັງໝົດ 37.452 ຄົນ
ໂດຍລາຍຊື່ຈະຕິດປະກາດໃນອາທິດໜ້າ.
ທ່ານ ຄຳປານ ພິລາວົງ ລັດຖະມົນຕີວ່າການກະຊວງພາຍໃນ ໄດ້ເປີດເຜີຍຕໍ່ສື່ມວນຊົນໃນຕອນເຊົ້າວັນທີ 25 ກັນຍາ 2013 ນີ້ວ່າ:
ການສອບເສັງ ເຂົ້າເປັນລັດຖະກອນ ພາກຄວາມຮູ້ທົ່ວໄປຄັ້ງນີ້
ເປັນຄັ້ງທຳອິດ ແລະ ໄດ້ຜ່ານສິ່ງທ້າທາຍຫລາຍດ້ານ
ແຕ່ກໍໄດ້ຮັບການຮ່ວມເປັນຢ່າງດີຈາກຫລາຍ ພາກສ່ວນທັງພາກລັດ ແລະ
ເອກະຊົນ. ສັງລວມແລ້ວ ຂະບວນສອບເສັງ
ມີຄວາມເປັນລະບຽບຮຽບຮ້ອຍເປັນທຳ, ໂປ່ງໃສ, ສະເໝີພາບນຳໃຊ້ລະ
ບົບເຕັກນິກ ທີ່ທັນສະໄໝ ແລະ
ໄດ້ຮັບຜົນສຳເລັດຢ່າງຈົບງາມຕາມຈຸດປະສົງຄາດໝາຍທີ່ວາງໄວ້.
ເຊິ່ງມີຜູ້ຍື່ນໃບສະໝັກທັງໝົດ 38.410 ຄົນ, ບໍ່ເຂົ້າສອບເສັງ 958 ຄົນ
ຈຳນວນທີ່ເສັງຜ່ານ (ຄະແນນ 50% ຂຶ້ນໄປ) ມີ 32.572 ຄົນ ເທົ່າກັບ
89,78% ໃນນີ້ ຊັ້ນກາງລົງມາມີ 5.317 ຄົນ, ຊັ້ນ ສູງຂຶ້ນໄປມີ
27.255 ຄົນ
ໂດຍລາຍຊື່ຜູ້ທີ່ເສັງຜ່ານຈະເລີ່ມຕິດປະກາດໃນອາທິດໜ້າ
ຢູ່ຕາມຫ້ອງການພະແນກພາຍໃນນະຄອນຫລວງ, ແຕ່ລະແຂວງ ແລະ
ຫ້ອງການຂອງເມືອງ.ທ່ານ ຄຳປານ ພິລາວົງ ລັດຖະມົນຕີວ່າການກະຊວງພາຍໃນ ໄດ້ເປີດເຜີຍຕໍ່ສື່ມວນຊົນໃນຕອນເຊົ້າວັນທີ 25 ກັນຍາ 2013 ນີ້ວ່າ:
ທ່ານ ຄຳປານ ພິລາວົງ ຍັງກ່າວຕື່ມວ່າ: ຈຳນວນຜູ້ເສັງຜ່ານຮອບທຳອິດນີ້ ຈະມີໃບຢັ້ງຢືນໃຫ້ໂດຍຜູ້ກ່ຽວຕ້ອງເອົາບັດເຂົ້າຫ້ອງຕົນໄປແຈ້ງ ເພື່ອຮັບ ເອົາໃບຢັ້ງຢືນດັ່ງກ່າວຢູ່ຫ້ອງການພະແນກພາຍໃນແຕ່ລະແຂວງ ຈາກນັ້ນ ກໍຕິດຕໍ່ໄປກະຊວງ ຫລື ພະແນກການທີ່ຕ້ອງການເຂົ້າສອບເສັງພາກວິຊາ ສະເພາະ ເພື່ອນັດມື້ສອບເສັງເຂົ້າບັນຈຸເປັນລັດຖະກອນ. ຢ່າງໃດກໍຕາມ, ການສອບເສັງເຂົ້າລັດຖະກອນ ເປັນການຮັບປະກັນຄຸນນະພາບ, ເຖິງວ່າລັດຖະ ກອນທີ່ຮັບເອົາໃນໄລຍະຜ່ານມາຢູ່ ແຕ່ລະບ່ອນກໍເຮັດໄດ້ດີ ແຕ່ຫລາຍຄົນກໍຕຳນິວ່າຈຳນວນໜຶ່ງບໍ່ທັນຮັບຮູ້ຄວາມຮູ້ທົ່ວໄປ ກ່ຽວກັບປະເທດຕົນເຊັ່ນ: ວັນ ຊາດ, ວັນຢຶດອຳນາດ, ວັນຄູແຫ່ງຊາດ ແມ່ນວັນທີເທົ່າໃດ. ພ້ອມນີ້ ກໍຍັງມີຜູ້ທີ່ຕົກຄ້າງ ບາງຄົນເປັນສັນຍາຈ້າງ 9 ປີຍັງບໍ່ທັນໄດ້ເຂົ້າເປັນລັດຖະກອນ ແລະ ການສອບເສັງຈະເປັນການຈະແຈ້ງຂຶ້ນກວ່າເກົ່າ. ສຳລັບການເຂົ້າສອບເສັງຄັ້ງຕໍ່ໄປ, ຄອບຄົວ ຕ້ອງໄດ້ຊຸກຍູ້ໃຫ້ເຂົາເຈົ້າໄດ້ຄົ້ນຄວ້າຮ່ຳຮຽນ ສະ ໜອງອຸປະກອນການສຶກສາໃຫ້, ສຳນັກງານ ກົມກອງທີ່ມີສັນຍາຈ້າງຫລົງເຫລືອຢູ່ກໍຕ້ອງຊຸກຍູ້ໃຫ້ເຂົາເຈົ້າໄປ ສອບເສັງ ໃຫ້ບູລິມະສິດເຂົາ ເພື່ອໄດ້ສອບ ເສັງເຂົ້າເປັນລັດຖະກອນ,
ຕໍ່ຜູ້ສອບເສັງໄດ້
ຂໍສະແດງຄວາມຊົມເຊີຍ ຢາກໃຫ້ສືບຕໍ່ໄປຮັບເອກະສານ ແລະ ກຽມຈິດໃຈ
ກຽມຄວາມຮູ້ເຂົ້າສອບເສັງເຂົ້າຂະແໜງການ ບໍ່ຄວນຟັງ
ຫາງສຽງຈາກບ່ອນອື່ນນອກຈາກຄະນະກຳມະການສອບເສັງ,
ເມື່ອໄດ້ຮັບໃບຢັ້ງຢືນແລ້ວ ກໍບໍ່ຄວນເຮັດແບບອຶກກະທຶກນຶກນອງ
ບໍ່ຟຸ່ມເຟືອຍໂລດໂຜນ, ສ່ວນຜູ້ທີ່ເສັງບໍ່ໄດ້
ກໍບໍ່ຄວນເສຍກຳລັງໃຈຫລາຍ ຫລື ຕຳນິວິຈານວ່າຜູ້ອື່ນວ່າຊື້ຈ້າງເຂົ້າ
ຖ້າສົງໄສໃຫ້ມາແຈ້ງຕໍ່ຄະນະກຳມະການພວກເຮົາຈະກວດກາຄືນ ແລະ
ເທື່ອນີ້ກໍ່ບໍ່ແມ່ນເທື່ອສຸດທ້າຍ
ໂອກາດໜ້າກໍຍັງມີອີກຖ້າຕັ້ງໜ້າພະຍາຍາມຢາກເຮັດວຽກແທ້ກໍເຮັດ
ໄດ້./.
ແຫລ່ງຂ່າວຈາກ : ສຳນັກຂ່າວສານປະເທດລາວ