 |
| ຮູບປະກອບ |
ເພື່ອເປັນການເຊີດຊູນ້ຳໃຈຮັກຊາດ, ຄວາມເປັນເອກະລາດ, ເປັນເຈົ້າຕົນເອງທາງດ້ານເສດຖະກິດ, ຊຸກຍູ້ການສົ່ງເສີມການນຳໃຊ້ເງິນກີບ ແລະ ຍົກສູງເງິນຕາຂອງຊາດ, ຢຸດຕິການນຳໃຊ້ເງິນຕາຕ່າງປະເທດຢ່າງຊະຊາຍຢູ່ປະ ເທດເຮົາ ສະນັ້ນ ວັນທີ 25 ພະຈິກ 2014 ນີ້, ທະນາຄານແຫ່ງ ສປປ ລາວ ພາກເໜືອແຂວງຫຼວງພະບາງໄດ້ຈັດກອງປະຊຸມຄົບຄະນະຊີ້ນຳ ແລະ ອະນຸກຳມະການຕິດຕາມກວດກາການຈັດຕັ້ງປະຕິບັດລະບຽບຄຸ້ມຄອງເງິນຕາຕ່າງປະເທດ ແລະ ສົ່ງເສີມການນຳໃຊ້ເງິນກີບ, ທີ່ຫ້ອງວ່າການປົກຄອງແຂວງຫົວພັນ ໂດຍການເຂົ້າຮ່ວມເປັນປະທານຂອງ ທ່ານ ດຣ. ຈັນແສງ ພິມມະວົງ ຮອງເຈົ້າແຂວງໆຫົວພັນຜູ້ຊີ້ນຳວຽກງານເສດຖະກິດຂັ້ນແຂວງ, ມີທ່ານ ສາຍສະໝອນ ກີບເກສອນ ຮອງຫົວໜ້າທະນາຄານແຫ່ງ ສປປ ລາວ ພາກເໜືອ ແຂວງຫຼວງພະບາງ, ມີບັນດາທ່ານຄະນະຊີ້ນຳ ແລະ ອະນຸກຳມະການມາຈາກພາກສ່ວນກ່ຽວຂ້ອງອ້ອມຂ້າງ ແຂວງເຂົ້າຮ່ວມນຳ.
ໃນກອງປະຊຸມຜູ້ເຂົ້າຮ່ວມໄດ້ຮັບຟັງຂໍ້ຕົກລົງຂອງເຈົ້າແຂວງໆຫົວພັນ
ສະບັບເລກທີ 408/ຈຂ.ຫພ ລົງວັນທີ 20 ເມສາ 2014 ວ່າດ້ວຍການແຕ່ງຕັ້ງຄະນະຊີ້ນຳຕິດຕາມກວດກາການຈັດຕັ້ງປະຕິບັດລະບຽບການຄຸ້ມຄອງເງິນຕາຕ່າງປະເທດ
ແລະ ສົ່ງເສີມການນຳໃຊ້ເງິນກີບຢູ່ແຂວງຫົວພັນ, ລັດຖະບັນຍັດຂອງປະທານປະເທດສະບັບເລກທີ 01/ປປທ ລົງວັນທີ 17 ມີນາ 2008 ວ່າດ້ວຍການຄຸ້ມຄອງເງິນຕາຕ່າງປະເທດ ແລະ ວັດຖຸມີຄ່າລວມມີ 10 ໝວດ 39 ມາດຕາ, ດຳລັດຂອງນາຍົກລັດຖະ ມົນຕີສະບັບເລກທີ 150/ນຍ ລົງວັນທີ 18 ພຶດສະພາ 2007 ວ່າດ້ວຍການຄຸ້ມຄອງເງິນຕາຕ່າງປະເທດ ແລະ ສົ່ງເສີມການນຳໃຊ້ເງິນກີບພ້ອມດ້ວຍເອກະສານສຳຄັນທີ່ກ່ຽວພັນເຖິງການຄຸ້ມຄອງເງິນຕາຕ່າງປະເທດ ແລະ ວັດຖຸມີຄ່າ ໂດຍສະເພາະແມ່ນການຊື້ຂາຍເງິນຕາຕ່າງປະເທດ, ເປົ້າໝາຍການຂະຫຍາຍ ແລະ ນຳໃຊ້ເງິນຕາຕ່າງປະເທດ, ການເປີດບັນຊີ ແລະ ການນຳໃຊ້ບັນຊີ ເງິນຝາກຂອງຜູ້ຕັ້ງຢູ່ ສປປ ລາວ ຫຼື ບໍ່ ຕັ້ງຢູ່ ສປປ ລາວ, ການເຄື່ອນໄຫວດ້ານເງິນຕາຕ່າງປະເທດຂອງທະນາຄານທຸລະກິດ ແລະ ຮ້ານແລກປ່ຽນເງິນຕາ, ການກູ້ເງິນ, ການຊ່ວຍເຫຼືອລ້າ, ການລົງທຶນ, ຄຸ້ມຄອງທຸລະກິດມີຄ່າ, ການສ້າງແຜນດູນສຳລະລະຫວ່າງປະເທດ, ການກວດກາຕໍ່ຜູ້ມີຜົນງານ ແລະ ມາດຕະການຕໍ່ຜູ້ລະເມີດ. ຈາກນັ້ນ ຜູ້ເຂົ້າຮ່ວມຍັງໄດ້ພ້ອມກັນປະກອບຄຳຄິດຄຳເຫັນໃສ່ບັນດາເອກະສານຕ່າງໆເພື່ອໃຫ້ສອດຄ່ອງເໝາະສົມກັບສະພາບຕົວຈິ່ງໃນການຈັດຕັ້ງປະຕິບັດໃນສະເພາະໜ້າ.
ໃນກອງປະຊຸມຜູ້ເຂົ້າຮ່ວມໄດ້ຮັບຟັງຂໍ້ຕົກລົງຂອງເຈົ້າແຂວງໆຫົວພັນ
ສະບັບເລກທີ 408/ຈຂ.ຫພ ລົງວັນທີ 20 ເມສາ 2014 ວ່າດ້ວຍການແຕ່ງຕັ້ງຄະນະຊີ້ນຳຕິດຕາມກວດກາການຈັດຕັ້ງປະຕິບັດລະບຽບການຄຸ້ມຄອງເງິນຕາຕ່າງປະເທດ
ແລະ ສົ່ງເສີມການນຳໃຊ້ເງິນກີບຢູ່ແຂວງຫົວພັນ, ລັດຖະບັນຍັດຂອງປະທານປະເທດສະບັບເລກທີ 01/ປປທ ລົງວັນທີ 17 ມີນາ 2008 ວ່າດ້ວຍການຄຸ້ມຄອງເງິນຕາຕ່າງປະເທດ ແລະ ວັດຖຸມີຄ່າລວມມີ 10 ໝວດ 39 ມາດຕາ, ດຳລັດຂອງນາຍົກລັດຖະ ມົນຕີສະບັບເລກທີ 150/ນຍ ລົງວັນທີ 18 ພຶດສະພາ 2007 ວ່າດ້ວຍການຄຸ້ມຄອງເງິນຕາຕ່າງປະເທດ ແລະ ສົ່ງເສີມການນຳໃຊ້ເງິນກີບພ້ອມດ້ວຍເອກະສານສຳຄັນທີ່ກ່ຽວພັນເຖິງການຄຸ້ມຄອງເງິນຕາຕ່າງປະເທດ ແລະ ວັດຖຸມີຄ່າ ໂດຍສະເພາະແມ່ນການຊື້ຂາຍເງິນຕາຕ່າງປະເທດ, ເປົ້າໝາຍການຂະຫຍາຍ ແລະ ນຳໃຊ້ເງິນຕາຕ່າງປະເທດ, ການເປີດບັນຊີ ແລະ ການນຳໃຊ້ບັນຊີ ເງິນຝາກຂອງຜູ້ຕັ້ງຢູ່ ສປປ ລາວ ຫຼື ບໍ່ ຕັ້ງຢູ່ ສປປ ລາວ, ການເຄື່ອນໄຫວດ້ານເງິນຕາຕ່າງປະເທດຂອງທະນາຄານທຸລະກິດ ແລະ ຮ້ານແລກປ່ຽນເງິນຕາ, ການກູ້ເງິນ, ການຊ່ວຍເຫຼືອລ້າ, ການລົງທຶນ, ຄຸ້ມຄອງທຸລະກິດມີຄ່າ, ການສ້າງແຜນດູນສຳລະລະຫວ່າງປະເທດ, ການກວດກາຕໍ່ຜູ້ມີຜົນງານ ແລະ ມາດຕະການຕໍ່ຜູ້ລະເມີດ. ຈາກນັ້ນ ຜູ້ເຂົ້າຮ່ວມຍັງໄດ້ພ້ອມກັນປະກອບຄຳຄິດຄຳເຫັນໃສ່ບັນດາເອກະສານຕ່າງໆເພື່ອໃຫ້ສອດຄ່ອງເໝາະສົມກັບສະພາບຕົວຈິ່ງໃນການຈັດຕັ້ງປະຕິບັດໃນສະເພາະໜ້າ.
ແຫລ່ງຂ່າວຈາກ: ໜັງສືພີມເສດຖະກິດ-ສັງຄົມ