ສຳລັບຄາດໝາຍການເກັບລາຍຮັບໃຫ້ໄດ້ທັງໝົດ
25.216 ຕື້ ກວ່າກີບ ເທົ່າກັບ 27,82%, ໃນນັ້ນລາຍຮັບພາຍໃນໃຫ້ໄດ້ 20.186 ຕື້ກວ່າກີບ
ເທົ່າກັບ 22,27% ຂອງ GDP, ສ່ວນລາຍຈ່າຍງົບປະມານໃຫ້ຢູ່ໃນລະດັບ 29.745 ຕື້ກວ່າກີບ
ເທົ່າກັບ 32,8%, ຂາດດຸນງົບປະ ມານ 4.528 ຕື້ກວ່າກີບ ເທົ່າກັບ 5% ຂອງ GDP.
ອັດຕາເງິນເຟີ້ບໍ່ໃຫ້ເກີນອັດ ຕາການຂະຫຍາຍຕົວຂອງເສດ
ຖະກິດ ແລະ ໃຫ້ປະລິມານເງິນອອກສູ່ຂອດຈໍລະຈອນ
(M2) ເພີ່ມຂຶ້ນໃນລະດັບທີ່ເໝາະສົມ
ທຽບໃສ່ປີຜ່ານມາ ແລະ ສືບຕໍ່ປະຕິບັດນະໂຍບາຍອັດຕາແລກປ່ຽນຕາມກົນໄກຕະ ຫລາດທີ່ມີການຄຸ້ມຄອງຂອງລັດ
ແລະ ໃຫ້ມີຄວາມສະຫງົບປົກກະຕິ, ເງິນກີບແຂງຄ່າ ຫລື ອ່ອນຄ່າຢູ່ລະຫວ່າງ ບວກ
ຫລື ລົບ 5% ທຽບໃສ່ເງິນຕາຕ່າງປະເທດສະກຸນຫລັກ, ໃນການສົ່ງອອກໃຫ້ບັນລຸ
2.178 ລ້ານໂດລາສະຫະລັດ ແລະ ມູນຄ່ານຳເຂົ້າ 2.730 ລ້ານໂດລາ ແລະ ການຂາດດຸນການຄ້າໃຫ້ຢູ່ໃນລະດັບ
4,87% ຫລື ເທົ່າກັບ 552 ລ້ານໂດລາ ຂອງ GDP.
ສູ້ຊົນຜະລິດເຂົ້າໃຫ້ໄດ້ 4 ລ້ານໂຕນ,
ເພີ່ມການຜະລິດພືດສະບຽງ, ພືດອຸດສາຫະກຳ, ພືດເປັນສິນຄ້າ ແລະ ການລ້ຽງສັດ. ພ້ອມກັນນີ້
ສູ້ຊົນໃຫ້ການຜະລິດອຸດສາຫະກຳປຸງແຕ່ງ ແລະ ຫັດ ຖະກຳຂະຫຍາຍຕົວປະມານ 12% ທຽບໃສ່ສົກປີ
2012-2013 ກວມປະມານ 10% ຂອງ GDP, ສູ້ຊົນເຮັດໃຫ້ນັກທ່ອງທ່ຽວເຂົ້າມາປະເທດໃຫ້ໄດ້
3,5-4 ລ້ານຄົນ ແລະ ສາມາດນຳເງິນຕາຕ່າງປະເທດເຂົ້າ ສປປ ລາວ ປະມານ 518 ລ້ານໂດລາສະຫະລັດ.
ນອກຈາກນີ້ ເຮັດໃຫ້ອັດຕາຄົນທຸກຍາກຫລຸດລົງໜ້ອຍກວ່າ 17% ຂອງຈຳ ນວນປະຊາກອນທັງໝົດ
ແລະ ອັດຕາຄອບຄົວທຸກຍາກໃຫ້ໜ້ອຍກວ່າ 12% ຂອງຄອບ ຄົວທົ່ວປະເທດ, ຢຸດການເຄື່ອນຍ້າຍຊະຊາຍຂອງປະຊາຊົນ
ໂດຍມີການຈັດສັນພູມລຳເນົາ ແລະ ບ່ອນທຳມາຫາກິນຖາວອນທີ່ເໝາະສົມໃຫ້ເຂົາເຈົ້າ,
ສົ່ງເສີມໃຫ້ເດັກນ້ອຍເກນອາຍຸເຂົ້າຮຽນກຽມປະຖົມບັນລຸ 44%, ອັດຕາເຂົ້າຮຽນສຸດທິຊັ້ນປະຖົມສຶກສາໃຫ້ບັນລຸ
98%, ສະໜອງນ້ຳສະອາດໃຫ້ປະຊາຊົນໃຫ້ໄດ້ 82,9%, ເພີ່ມອັດຕານຳໃຊ້ວິດຖ່າຍຂອງປະຊາຊົນໃຫ້ໄດ້
59,6%, ອັດຕາສັກຢາ ແລະ ຢອດຢາກັນພະຍາດໃຫ້ແມ່ ແລະ ເດັກ ນ້ອຍບັນລຸ 85%, ສ້າງບ້ານວັດ
ທະນະທຳໃຫ້ໄດ້ 340 ບ້ານ ແລະ ຄອບຄົວວັດທະນະທຳໃຫ້ໄດ້ 40 ພັນຄອບຄົວຕື່ມອີກ.
ແຫລ່ງຂ່າວຈາກ: laophatthananews