.jpg)
ຂປລ. ແຫລ່ງຂ່າວແຂວງ ຫົວພັນໃຫ້ຮູ້ວ່າ:ກອງປະຊຸມພົບປະແລກປ່ຽນການຮ່ວມມືວຽກງານນັກຮົບເກົ່າ
ລະຫວ່າງແຂວງ ຫົວພັນ ສປປລາວ ແລະ ແຂວງ ແທັງຮວ່າ ສສ ຫວຽດນາມ
ໄດ້ຈັດຂຶ້ນໃນວັນທີ 19 ພະຈິກນີ້, ຢູ່ທີ່ນະຄອນຫລວງແທັງຮວ່າ
ສາທາລະນະລັດ ສັງຄົມນິ ຍົມຫວຽດນາມ ໂດຍການເຂົ້າຮ່ວມ ຂອງທ່ານ
ມາຍວັນນິງ ກຳມະການສູນກາງພັກ-ເລຂາພັກແຂວງ
ປະທານສະພາປະຊາຊົນແຂວງ ແທັງຮວ່າ, ທ່ານ ບົວຜິວ ຄຳສະຫວັນ
ປະທານສະຫະພັນ ນັກຮົບເກົ່າ ແຂວງ ຫົວພັນ ພ້ອມດ້ວຍຄະນະທັງສອງຝ່າຍ.
ການພົບປະຄັ້ງນີ້ ທັງສອງຝາຍໄດ້ຕີລາຄາສູງຕໍ່ຜົນຂອງການຮ່ວມມືໃນໄລຍະຜ່ານມາ
ໂດຍສະເພາະແມ່ນການແລກປ່ຽນຂໍ້ມູນຂ່າວສານ, ການກໍ່ສ້າງ-ປັບປຸງ
ກົງຈັກການຈັດຕັ້ງ, ການເຄື່ອນໄຫວຈັດຕັ້ງປະຕິບັດຂອງສະມາຄົມ,
ການພົບປະຄັ້ງນີ້ ທັງສອງຝາຍໄດ້ຕີລາຄາສູງຕໍ່ຜົນຂອງການຮ່ວມມືໃນໄລຍະຜ່ານມາ
ການເປີດກວ້າງແລກປ່ຽນ ສິນຄ້າຂອງພໍ່ແມ່ປະຊາຊົນຢູ່ສອງຟາກຊາຍແດນ, ການສ້າງ ເງື່ອນໄຂໄປມາຫາສູ່ ເພື່ອແລກປ່ຽນບົດຮຽນເຊິ່ງກັນ ແລະ ກັນ ແລະ ການຮ່ວມມືຊອກຫາອັດຖິ ຂອງທະຫານອາສາສະໝັກຫວຽດນາມ ທີ່ເສຍສະຫລະ ຊີວິດໃນປາງສົງຄາມປົດປ່ອຍຊາດຢູ່ ສປປ ລາວ ກັບຄືນປະເທດ. ນອກນີ້, ສອງຝ່າຍຍັງເປັນເອກກະພາບກັບທິດທາງການຮ່ວມມືແຕ່ນີ້ຮອດປີ 2015.
ໂອກາດດັ່ງກ່າວ, ຄະນະຜູ້ແທນນັກຮົບເກົ່າແຂວງ ຫົວພັນ ຍັງໄດ້ຢ້ຽມຢາມສຸສານໂຮ່ຈິມິນທີ່ນະຄອນຫລວງ ຮ້າໂນ້ຍ, ເມືອງ ເຊິມເຊີນ ເຊິ່ງເປັນເມືອງ ວິລະຊົນ, ເມືອງແຫລ່ງທອງທ່ຽວຂອງແຂວງແທັງຮວ່າ ແລະ ຢ້ຽມຢາມພື້ນຖານການຜະລິດຂອງປະຊາຊົນບາງຈຸດຂອງແຂວງຕື່ມອີກ.
ຂ່າວຍັງໃຫ້ຮູ້ຕື່ມອີກວ່າ: ວັນທີ 24 ພະຈິກ 2013 ນີ້, ຄະນະສະຫະພັນນັກຮົບເກົ່າແຂວງ ຫົວພັນຍັງໄດ້ຈັດກອງປະຊຸມຄົບຄະນະ ບໍລິຫານງານຄັ້ງທີ 4 ສະໄໝທີ 2 ຂັ້ນຂອງຕົນໂດຍມີຄະນະບໍລິຫານງານຂັ້ນແຂວງ, 9 ເມືອງທົ່ວ ແຂວງເຂົ້າຮ່ວມ 15 ທ່ານ ເຊິ່ງກອງປະຊຸມໄດ້ສັງເກດຕີລາຄາ ເຖິງສະພາບ ການເຄື່ອນໄຫວຈັດຕັ້ງປະຕິບັດວຽກງານນັກຮົບເກົ່າ 1 ປີຜ່ານມາ ພ້ອມທັງວາງທິດທາງແຜນການເພື່ອສືບຕໍ່ຈັດຕັ້ງປະຕິບັດໃນປີ 2014 ອີກດ້ວຍ.
ແຫລ່ງຂ່າວຈາກ : ສຳນັກຂ່າວສານປະເທດລາວ