 |
| ໂຮງຮຽນ ມສ ພັນລາ |
ຂປລ. ວັນທີ 8 ເດືອນມັງກອນ 2014 ນີ້,
ໂຮງຮຽນມັດທະຍົມສຶກສາສົມບູນພັນລາແຂວງຫົວພັນ
ໄດ້ຈັດງານສະເຫລີມສະຫລອງ ວັນສ້າງຕັ້ງໂຮງຮຽນ ຄົບຮອບ 45
ປີຂຶ້ນທີ່ໂຮງຮຽນດັ່ງກ່າວ, ໂດຍມີທ່ານ ອ່ອນທອງ ແພງສົມພັນ
ຫົວໜ້າຄະນະຈັດຕັ້ງແຂວງ, ທ່ານ ເພີດ ມາປັນຍາ ກຳມະການພັກແຂວງ, ຫົວໜ້າ
ພະແນກສຶກສາທິການ ແລະ ກິລາແຂວງ, ພ້ອມດ້ວຍຄູອາຈານ, ອະດີດນັກສຶກສາ,
ແຂກຖືກເຊີນ, ນັກຮຽນນັກສຶກສາໃນປັດຈຸບັນເຂົ້າຮ່ວມຢ່າງຄຶກ
ຄື້ນມ່ວນຊື່ນ.
ໂຮງຮຽນມັດທະຍົມສຶກສາສົມບູນພັນລາແຂວງຫົວພັນ ເປັນໂຮງຮຽນທີ່ຂຶ້ນກັບພະແນກສຶກສາທິການ ແລະ ກິລາແຂວງ, ສ້າງຂຶ້ນໃນວັນທີ 8 ເດືອນ ມັງກອນ ປີ 1969 ທີ່ຖ້ຳແກ້ວເຂດຊຽງລວງ, ເມືອງວຽງໄຊ, ແຂວງຫົວພັນ ເຊິ່ງເປັນໂຮງຮຽນຊັ້ນອຸດົມແຫ່ງທຳອິດຂອງສູນກາງແນວລາວຮັກຊາດ ມີຊື່ວ່າໂຮງຮຽນອຸດົມສູນກາງ. ໃນສົກປີ 1970-1977 ແມ່ນຍົກຍ້າຍທີ່ຕັ້ງໄປຢູ່ບ້ານສົບຊາຍເມືອງຊຽງຄໍ້ແຂວງຫົວພັນ, ສົກຮຽນປີ 1976 - 1977 ແລະ 1977-1978 ໄດ້ຍົກຍ້າຍໄປຕັ້ງຢູ່ບ້ານນາວຽງເມືອງຊຳເໜືອແຂວງຫົວພັນ, ສົກປີ 1978 - 1980 ຕັ້ງຢູ່ວັງເຮືອເມືອງຊຳເໜືອ, ສົກຮຽນປີ 1980-1981 ເຖິງປັດຈຸບັນນີ້ໄດ້ຕັ້ງຢູ່ບ້ານນາທົ່ງຈອງເມືອງຊຳເໜືອແຂວງ ຫົວພັນ.
ຜ່ານ 45
ປີທາງໂຮງຮຽນໄດ້ມີຜົນງານການຈັດຕັ້ງປະຕິບັດຕິດຕໍ່ສືບເນື່ອງກັນມາ,
ໂດຍໄດ້ເອົາໃຈໃສ່ເຮັດໜ້າທີ່ການສອນ-ການຮຽນ ຢ່າງເຂັ້ມງວດ ເຮັດໃຫ້
ແຕ່ລະສົກຮຽນບັນລຸຕາມຄາດໝາຍທັງປະລິມານ ແລະ ຄຸນນະພາບ,
ສະແດງອອກໃນການສອບເສັງນັກຮຽນເກັ່ງ ສົກຮຽນ 1989 - 1990 ສາມາດຍາດ
ໄດ້ປະເພດ I ລະດັບແຂວງມີ 31 ຄົນ, ຍິງ 7 ຄົນ, ປະເພດ I, II, III,
ລະດັບຊາດມີ 6 ຄົນ, ຍິງ 2 ຄົນ, ອຳນວຍການໄດ້ຮັບໃບຍ້ອງຍໍລັດຖະບານ 1
ໃບ, ໃບຍ້ອງຍໍເຈົ້າແຂວງໆຫົວພັນ 9 ໃບ,
ໃບຍ້ອງຍໍລັດຖະມົນຕີປະຈຳສຳນັກງານນາຍົກ 1 ໃບ,
ໃບຍ້ອງຍໍເຈົ້າເມືອງໆຊຳເໜືອຈຳນວນ 6 ໃບ. ນອກຈາກນີ້
ກໍ່ຍັງໄດ້ຮັບໃບຍ້ອງຍໍຈາກຄະນະກຳມະການເລືອກຕັ້ງສະມາຊິກສະພາແຫ່ງ
ຊາດ, ຄະນະບໍລິຫານງານສູນກາງສະຫະພັນແມ່ຍິງລາວ, ສູນກາງກຳມະບານລາວ
ແລະ ໃບກຽດຕິຄຸນຈາກທ່ານເຈົ້າແຂວງໆຫົວພັນຈຳນວນ 3 ໃບ.
ທາງໂຮງຮຽນຍັງໄດ້ສອບເສັງຄັດເລືອກເອົາຄູ ແລະ
ນັກຮຽນໄປທັດສະນະສຶກສາ ຢູ່ຕ່າງປະເທດ,
ເອົາໃຈໃສ່ປັບປຸງບັນດາອົງການຈັດຕັ້ງອື່ນໆໃຫ້ມີຄວາມເຂັ້ມແຂງ ແລະ
ຍື່ນຍົງຕະຫລອດມາ.ໂຮງຮຽນມັດທະຍົມສຶກສາສົມບູນພັນລາແຂວງຫົວພັນ ເປັນໂຮງຮຽນທີ່ຂຶ້ນກັບພະແນກສຶກສາທິການ ແລະ ກິລາແຂວງ, ສ້າງຂຶ້ນໃນວັນທີ 8 ເດືອນ ມັງກອນ ປີ 1969 ທີ່ຖ້ຳແກ້ວເຂດຊຽງລວງ, ເມືອງວຽງໄຊ, ແຂວງຫົວພັນ ເຊິ່ງເປັນໂຮງຮຽນຊັ້ນອຸດົມແຫ່ງທຳອິດຂອງສູນກາງແນວລາວຮັກຊາດ ມີຊື່ວ່າໂຮງຮຽນອຸດົມສູນກາງ. ໃນສົກປີ 1970-1977 ແມ່ນຍົກຍ້າຍທີ່ຕັ້ງໄປຢູ່ບ້ານສົບຊາຍເມືອງຊຽງຄໍ້ແຂວງຫົວພັນ, ສົກຮຽນປີ 1976 - 1977 ແລະ 1977-1978 ໄດ້ຍົກຍ້າຍໄປຕັ້ງຢູ່ບ້ານນາວຽງເມືອງຊຳເໜືອແຂວງຫົວພັນ, ສົກປີ 1978 - 1980 ຕັ້ງຢູ່ວັງເຮືອເມືອງຊຳເໜືອ, ສົກຮຽນປີ 1980-1981 ເຖິງປັດຈຸບັນນີ້ໄດ້ຕັ້ງຢູ່ບ້ານນາທົ່ງຈອງເມືອງຊຳເໜືອແຂວງ ຫົວພັນ.
ແຫລ່ງຂ່າວຈາກ: ສຳນັກຂ່າວສານປະເທດລາວ