 |
| ທ່ານ ນາງ ແພງພອນ ຂັນທະຍົງທອງ |
ພ້ອມນັ້ນເພິ່ນກໍຍັງໄດ້ໄປເຄື່ອນໄຫວກັບກອງທັບ ຢູ່ເມືອງ ບໍ່ແຕນ ແຂວງ ໄຊຍະບູລີ. ຊຶ່ງເພິ່ນໄດ້ຖືກຮັບຜິດຊອບຂຶ້ນເມື່ອປິ່ນປົວ ເອົາອ້າຍນ້ອງທະຫານທີ່ໄດ້ຮັບບາດເຈັບ ຢູ່ເຖິງແນວໜ້າ 300 ກວ່າຄົນ ທີ່ໄດ້ຮັບບາດເຈັບລົງມາປິ່ນປົວຢູ່ແນວຫລັງ. ຈາກຜົນງານດັ່ງກ່າວຈຶ່ງໄດ້ ຮັບນາມມະຍົດເປັນວິລະຊົນແຫ່ງຊາດຜູ້ທີ 92 ໃນປີ 2008. ປະຈຸບັນຍັງເປັນພະນັກງານຢູ່ກົມຈັດຕັ້ງພະນັກງານຢູ່ກະຊວງສາທາລະນະ ສຸກ. ຈາກຜົນສຳ ເລັດທັງໝົດກໍຍ້ອນການຊີ້ນຳ-ນຳພາຂອງພັກ-ລັດເຮົາ ຍ້ອນຄວາມສາມັກຄີເປັນປຶກແຜ່ນແຂງແຮງທີ່ນຳພາປະເທດຊາດໃຫ້ມີຄວາມ ກ້າວໜ້າຢ່າງບໍ່ຢຸດ ຢັ້ງ.
ທ່ານ ຍັງກ່າວຕື່ມອີກວ່າ:ນອກນັ້ນຍັງໄດ້ປະກອບອາຊີບສ້າງເສດຖະກິດຄອບຄົວ ຄື: ສ້າງຕັ້ງບໍລິສັດ ແພງພອນ ຂົວທາງ ແລະ ຊົນລະປະທານ ຈຳກັດຜູ້ດຽວ. ຕັ້ງຢູ່ບ້ານໜອງແຕ່ງເໜືອ ເມືອງສີໂຄດຕະບອງ ນະຄອນຫລວງວຽງຈັນ. ຈຸດປະສົງກໍເພື່ອຢາກມີສ່ວນຮ່ວມໃນການສ້າງສາພັດທະນາ ປະເທດຊາດໃຫ້ຈະ ເລີນຮຸ່ງເຮືອງ.
ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວຄົບຮອບ 65 ປີ ພະນັກງານການນຳເມືອງ ສີໂຄດຕະບອງ ນະຄອນຫລວງວຽງຈັນ ກໍໄດ້ໄປຢ້ຽມ ຢາມແລະ ອວຍພອນ ຊຶ່ງນຳໂດຍ ທ່ານ ບຸນນຳ ພັນສີທຸມ ຄະນະປະຈຳພັກເມືອງ, ຮອງເຈົ້າເມືອງເມືອງສີໂຄດຕະບອງ ພ້ອມດ້ວຍຄະນະ ອົງການຈັດຕັ້ງ ມະຫາຊົນ.
ແຫລ່ງຂ່າວຈາກ: ສຳນັກຂ່າວສານປະເທດລາວ