 |
| ຮູບປະກອບ |
ຂປລ. ການປຸກລະດົມຂະບວນການແຂ່ງຂັນຮັກຊາດ,
ສ້າງບ້ານພັດທະນາ ແລະ ຊຸກຍູ້ວຽກ ງານ 3 ສ້າງ
ໃນຂອບເຂດທົ່ວແຂວງຫົວພັນໄດ້ໄຂຂຶ້ນ ຢ່າງເປັນທາງການ
ທີ່ຫໍວັດທະນະທຳຂອງແຂວງໃນຕອນເຊົ້າວັນທີ 12 ກຸມພາ 2014 ນີ້,
ເຂົ້າຮ່ວມມີທ່ານ ຄຳຮຸ່ງ ເຮືອງວົງສີ ກຳມະການສູນກາງພັກ,
ເລຂາພັກແຂວງ ເຈົ້າແຂວງຫົວພັນ, ມີບັນດາຄະນະປະຈຳພັກແຂວງ,
ຫົວໜ້າຮອງພະແນກການ, ຫົວໜ້າຂະແໜງ ຮອງຂະແໜງການ, ພະນັກງານ
ວິຊາການລະດັບຊັ້ນສູງຂຶ້ນໄປ; ມີເຈົ້າເມືອງ ຮອງເຈົ້າເມືອງ 10
ເມືອງ, ນາຍບ້ານໆ 3 ສ້າງ, ຕະຫລອດ ຮອດບັນດາຮ້າງຮ້ານ, ນັກທຸລະກິດ ແລະ
ພະນັກງານອາວຸໂສບຳນານເຂົ້າຮ່ວມນຳຢ່າງຫລວງ ຫລາຍ.
ເຊິ່ງຈຸດປະສົງຫລັກໃນການເປີດບັ້ນແຂ່ງຂັນດັ່ງກ່າວກໍເພື່ອເປັນການ ປຸກລະດົມການແຂ່ງ ຂັນຮັກຊາດ, ສ້າງບ້ານພັດທະນາ ແລະ ຊຸກຍູ້ວຽກງານ 3 ສ້າງ ໃນທົ່ວແຂວງໃຫ້ມີຄວາມແຂງແກ່ນ ແນໃສ່ຈັດຕັ້ງປະຕິບັດທິດນຳຍຸດທະສາດທີ່ກຳນົດໄວ້ໃນມະຕິກອງ ປະຊຸມໃຫຍ່ຄັ້ງທີ IX ຂອງພັກ, ກ່ຽວກັບການ ສ້າງຄວາມໝັ້ນຄົງໃຫ້ແກ່ລັດ ໂດຍເລີ່ມແຕ່ຮາກຖານຂຶ້ນມາໃຫ້ເປັນຈິງເທື່ອລະກ້າວ.
ຂະບວນການດັ່ງກ່າວແມ່ນກວມເອົາໃນທຸກຂະແໜງການທັງພາກລັດ ແລະ
ເອກະຊົນ, ປະຊາຊົນບັນດາເຜົ່າໃນທຸກເພດທຸກໄວ,
ທຸກສາຂາອາຊີບຕັ້ງແຕ່ແຂວງ ລົງຮອດທ້ອງຖິ່ນ.
ໂດຍຖືເອົາການສຶກສາອົບຮົມການເມືອງ ແນວຄິດໃນທົ່ວພັກ ລັດ,
ກຳລັງປະກອບອາວຸດ ແລະ ທຸກປວງຊົນໃນທຸກທ້ອງຖິ່ນຮາກຖານໃຫ້
ມີຄວາມເປັນເຈົ້າການ ເສີມຂະຫຍາຍນຳໃຈຮັກຊາດ
ຕິດພັນກັບລະບອບປະຊາທິປະໄຕປະຊາຊົນ ແລະ
ເຂົ້າຮ່ວມໃນຂະບວນການແຂ່ງຂັນ,
ນຳພາປະຊາຊົນປັບປຸງກໍ່ສ້າງລະບົບການເມືອງຢູ່ຂັ້ນບ້ານໃຫ້ເຂັ້ມ ແຂງ
ຖືເອົາການກໍ່ສ້າງ ຮາກຖານພັກ,ໜ່ວຍພັກ ແລະ
ອົງການຈັດຕັ້ງບ້ານໃຫ້ມີຄວາມສາມາດນຳພາ ແລະ ຄຸ້ມຄອງບໍລິຫານ.
ສືບຕໍ່ບຸກທະລຸດ້ານການແກ້ ໄຂກົນໄກ ແລະ ລະບອບລະບຽບບໍລີຫານ
ຄຸ້ມຄອງລັດທີ່ກົດໜ່ວງທວງດຶງການຜະລິດທຸລະກິດໃຫ້ຕົກໄປ,
ປະຕິບັດນະໂຍບາຍສົ່ງເສີມຕໍ່ວິສາຫະກິດຂອງ ທຸກພາກສ່ວນທຸລະກິດ
ແລະ ໜ່ວຍງານວິຊາການເຂົ້າໃນການພັດທະນາຊົນນະບົດ
ແນ່ໃສ່ປະຕິບັດຄາດໝາຍແກ້ໄຂຄວາມທຸກຍາກຂອງຄອບຄົວໃຫ້ຍັງ
ເຫລືອບໍ່ເກີນ 20% ໃນປີ 2015. ຊຸກຍູ້ການຜະລິດເປັນສິນຄ້າ ແລະ
ການບໍລິການສ້າງລາຍຮັບຂອງຄອບ ຄົວໃຫ້ມີທ່າຂະຫຍາຍຕົວ,
ສົ່ງເສີມການເຮັດ ກະເສດສຸມຍົກສະມັດຕະພາບ
ຄຽງຄູ່ກັບການເຮັດກະສິກຳສະອາດປອດສານຜິດ
ຕິດພັນກັບການຈັດຕັ້ງກຸ່ມການຜະລິດ ແລະ ເສດຖະກິດຮ່ວມມືຂອງ
ປະຊາຊົນ, ຕອບສະໜອງທຶນດ້ວຍເງື່ອນໄຂກູ້ຢືມທີເໝາະສົມ,
ໃຫ້ບໍລິການທາງດ້ານວິທະຍາສາດ ແລະ
ດ້ານວິຊາການແກ້ຄອບຄົວຊາວກະສິກອນ ລວມທັງຜູ້ປະກອບການຜະລິດ ແລະ
ປຸ່ງແຕ່ງຜະລິດກະສິກຳ; ເພີ່ມຄອບຄົວຕົວແບບ, ຜູ້ປະກອບການ, ໜ່ວຍບໍລິການ
ແລະ ສູນສົ່ງເສີມໃຫ້ຫລາຍຂຶ້ນ ໂດຍມີການຄຸ້ມຄອງປົກປ້ອງ
ສົ່ງເສີມໃຫ້ມີຜົນປະໂຫຍດອັນເໝາະສົມ ແລະ ມີປະສິດທິຜົນ.
ເຊິ່ງຈຸດປະສົງຫລັກໃນການເປີດບັ້ນແຂ່ງຂັນດັ່ງກ່າວກໍເພື່ອເປັນການ ປຸກລະດົມການແຂ່ງ ຂັນຮັກຊາດ, ສ້າງບ້ານພັດທະນາ ແລະ ຊຸກຍູ້ວຽກງານ 3 ສ້າງ ໃນທົ່ວແຂວງໃຫ້ມີຄວາມແຂງແກ່ນ ແນໃສ່ຈັດຕັ້ງປະຕິບັດທິດນຳຍຸດທະສາດທີ່ກຳນົດໄວ້ໃນມະຕິກອງ ປະຊຸມໃຫຍ່ຄັ້ງທີ IX ຂອງພັກ, ກ່ຽວກັບການ ສ້າງຄວາມໝັ້ນຄົງໃຫ້ແກ່ລັດ ໂດຍເລີ່ມແຕ່ຮາກຖານຂຶ້ນມາໃຫ້ເປັນຈິງເທື່ອລະກ້າວ.
ສູ້
ຊົນປະຕິບັດເປົ້າໝາຍສະຫັດສະວັດດ້ານການພັດທະນາໃນປີ 2020
ໂດຍສຸ່ມໃສ່ແກ້ໄຂຂົງເຂດການສຶກສາ, ສາທາລະນາສຸກ,
ໃນນັ້ນແມ່ນເມືອງ ແລະ ບ້ານເປົ້າໝາຍ 3 ສ້າງ
ໃຫ້ບຸກທະລຸໄດ້ຢ່າງຂາດຕົວ, ເອົາໃຈໃສ່ອານຸລັກຮັກສາ,
ເສີມຂະຫຍາຍມູນເຊື້ອວັດທະນະ ທຳປະເພນີອັນດີງາມຂອງທ້ອງຖິ່ນ
ຂອງເຜົ່າໄວ້. ຮັບປະກັນແຕ່ລະບ້ານໃຫ້ມີຄວາມສະຫງົບ ແລະ
ເປັນລະບຽບຮຽບຮ້ອຍ, ເພີ່ມທະວີຊຸກຍູ້ວຽກ 3 ສ້າງໃຫ້ເຂົ້າສູ່ລວງເລິກ
ດ້ວຍການແບ່ງຂັ້ນ ຄຸ້ມຄອງລະຫວ່າງແຂວງກັບເມືອງ,
ເມືອງກັບບ້ານໃຫ້ຈະແຈ້ງ, ເພີ່ມຄວາມຮັບຜິດຊອບໃຫ້ແກ່ທ້ອງຖິ່ນ
ຕິດພັນກັບການຈັດສັນແບ່ງຜົນປະໂຫຍດ ໃຫ້ສອດ ຄ່ອງເໝາະສົມ
ທັງຮັບປະກັນຫລັກການລວມສູນໃນການຄຸ້ມຄອງລັດ, ຄຸ້ມຄອງເສດຖະກິດສັງຄົມ.
ໂອກາດດຽວກັນນີ້ຍັງໄດ້ມອບຫລຽນໄຊ ແລະ ຫລຽນກາມິດຕະພາບຂອງລັດຖະບານແຫ່ງ ສສ ຫວຽດນາມໃຫ້ແກ່ບຸກຄົນ ແລະ ກົມກອງ ໃນການສະເຫລີມ ຫລອງປີສາມັກຄີລາວ ຫວຽດນາມປີ 2012 ທີມີຜົນງານປະກອບສວນການພົວພັນຮ່ວມມືໃນໄລຍະຜ່ານມາ. ໃນນີ້ໄດ້ຮັບຫລຽນໄຊມິດຕະພາບ 16 ກົມກອງ ແລະ 5 ເມືອງ, ຫລຽນໄຊມິດຕະພາບໃຫ້ບຸກຄົນ 32 ທ່ານ, ຫລຽນກາມິດຕະພາບ 61 ທ່ານ.
ໂອກາດດຽວກັນນີ້ຍັງໄດ້ມອບຫລຽນໄຊ ແລະ ຫລຽນກາມິດຕະພາບຂອງລັດຖະບານແຫ່ງ ສສ ຫວຽດນາມໃຫ້ແກ່ບຸກຄົນ ແລະ ກົມກອງ ໃນການສະເຫລີມ ຫລອງປີສາມັກຄີລາວ ຫວຽດນາມປີ 2012 ທີມີຜົນງານປະກອບສວນການພົວພັນຮ່ວມມືໃນໄລຍະຜ່ານມາ. ໃນນີ້ໄດ້ຮັບຫລຽນໄຊມິດຕະພາບ 16 ກົມກອງ ແລະ 5 ເມືອງ, ຫລຽນໄຊມິດຕະພາບໃຫ້ບຸກຄົນ 32 ທ່ານ, ຫລຽນກາມິດຕະພາບ 61 ທ່ານ.
ແຫລ່ງຂ່າວຈາກ : ສຳນັກຂ່າວສານປະເທດລາວ