ຂປລ.ໃນວັນທີ 3-4 ກຸມພາ 2014, ທ່ານ ນາງ ປານີ ຢາທໍ່ຕູ້
ປະທານສະພາແຫ່ງຊາດ ພ້ອມດ້ວຍຄະນະ ໄດ້ເດີນທາງໄປເຄື່ອນໄຫວຢ້ຽມຢາມ
ແລະ ເຮັດວຽກຢູ່ແຂວງຫົວພັນ ໂດຍໃຫ້ການຕ້ອນຮັບຈາກ ອຳນາດການປົກຄອງ
ແລະ ພໍ່ແມ່ ປະຊາຊົນເມືອງ ກວນ ແລະ ເມືອງ ຊຳໃຕ້ ຢ່າງອົບອຸ່ນ.
ໃນໂອກາດລົງຢ້ຽມຢາມນີ້ ທ່ານ ນາງ ປານີ ຢາທໍ່ຕູ້ ປະທານສະພາ ແຫ່ງຊາດໄດ້ຟັງການລາຍງານສະພາບການພັດທະນາເສດຖະກິດ-ສັງຄົມ ໂດຍຫຍໍ້ ແລະ ຄຳສະເໜີ ຂອງປະຊາຊົນກຸ່ມບ້ານທ່າຄວາຍເມືອງ ກວນ ແລະ ກຸ່ມເທດສະບານເມືອງ ຊຳໃຕ້.
ນອກຈາກນັ້ນ ໄດ້ຮັບຟັງການລາຍງານສະພາບການພັດທະນາເສດຖະກິດ-ສັງຄົມຂອງແຕ່ລະ ເມືອງແລ້ວ ທ່ານປະທານສະພາແຫ່ງຊາດກໍໄດ້ໂອ້ລົມ ອຳນາດການປົກຄອງເມືອງ, ພະນັກງານ ແລະ ປະຊາຊົນ ໂດຍທ່ານປະທານສະພາແຫ່ງຊາດໄດ້ຊີ້ ນຳປະຊາຊົນກຸ່ມບ້ານທ່າຄວາຍໃຫ້ນຳໃຊ້ທ່າແຮງ ໃນການປູກຟັງລ້ຽງສັດ ແລະ ຫັດຖະກຳ ທີ່ເປັນມູນເຊື້ອອັນດຸໜັ່ນ ຂອງປະຊາຊົນ ເພື່ອສ້າງໃຫ້ມີຫລາຍຮັບເພີ່ມຂື້ນ , ເພື່ອເຮັດໃຫ້ບ້ານເມືອງກໍຄືແຂວງ ໄດ້ຮັບການພັດທະນາເປັນກ້າວໆ.
ໃນການໂອ້ລົມການເຄື່ອນໄຫວຄັ້ງນີ້ ທ່ານປະທານສະພາແຫ່ງຊາດ
ຍັງໄດ້ພາທີມແພດໄປກວດສຸຂະພາບໃຫ້ກັບພໍ່ແມ່ປະຊາຊົນ,
ມອບອຸປະກອນການຮຽນ ແລະ ຢາປົວພະຍາດຈຳນວນໜຶ່ງໃຫ້ກຸ້ມບ້ານທ່າຄວາຍ
ເຊັ່ນ: ປື້ມແບບຮຽນຊັ້ນປະຖົມ ປ 1-5 ຈຳນວນ 1,500 ຫົວ, ປື້ມຂຽນ ຈຳນວນ 700
ຫົວ , ສໍຂຽນ 7 ຫີບ, ຢາງລຶບ 7 ຫີບ, ປື້ມຄູ່ມືການຮຽນ 420 ຫົວ
ພ້ອມທັງມອບເສື້ອກັນໜາວໃຫ້ກັບຄອບຄົວທຸກຍາກອີກ 45 ຄອບຄົວ ແລະ
ໄດ້ມອບປື້ມ ແບບຮຽນ ຈຳນວນ 150 ຫົວ ໃຫ້ເມືອງ ຊຳໃຕ້.ໃນໂອກາດລົງຢ້ຽມຢາມນີ້ ທ່ານ ນາງ ປານີ ຢາທໍ່ຕູ້ ປະທານສະພາ ແຫ່ງຊາດໄດ້ຟັງການລາຍງານສະພາບການພັດທະນາເສດຖະກິດ-ສັງຄົມ ໂດຍຫຍໍ້ ແລະ ຄຳສະເໜີ ຂອງປະຊາຊົນກຸ່ມບ້ານທ່າຄວາຍເມືອງ ກວນ ແລະ ກຸ່ມເທດສະບານເມືອງ ຊຳໃຕ້.
ນອກຈາກນັ້ນ ໄດ້ຮັບຟັງການລາຍງານສະພາບການພັດທະນາເສດຖະກິດ-ສັງຄົມຂອງແຕ່ລະ ເມືອງແລ້ວ ທ່ານປະທານສະພາແຫ່ງຊາດກໍໄດ້ໂອ້ລົມ ອຳນາດການປົກຄອງເມືອງ, ພະນັກງານ ແລະ ປະຊາຊົນ ໂດຍທ່ານປະທານສະພາແຫ່ງຊາດໄດ້ຊີ້ ນຳປະຊາຊົນກຸ່ມບ້ານທ່າຄວາຍໃຫ້ນຳໃຊ້ທ່າແຮງ ໃນການປູກຟັງລ້ຽງສັດ ແລະ ຫັດຖະກຳ ທີ່ເປັນມູນເຊື້ອອັນດຸໜັ່ນ ຂອງປະຊາຊົນ ເພື່ອສ້າງໃຫ້ມີຫລາຍຮັບເພີ່ມຂື້ນ , ເພື່ອເຮັດໃຫ້ບ້ານເມືອງກໍຄືແຂວງ ໄດ້ຮັບການພັດທະນາເປັນກ້າວໆ.
ແຫລ່ງຂ່າວຈາກ: ສຳນັກຂ່າວສານປະເທດລາວ