 |
| ພາບຕົວເມືອງ ຊຳເໜືອ |
ຂປລ.ແຂວງ ຫົວພັນໃນປັດຈຸບັນລວມມີ 10 ເມືອງຄື: ເມືອງຊຳເໜືອ,
ຫົວເມືອງ, ເມືອງ ຮ້ຽມ, ເມືອງ ຊ່ອນ, ວຽງໄຊ, ຊຳໃຕ້, ເມືອງກວັນ,
ສົບເບົາ, ຊຽງຄໍ້ ແລະ ເມືອງແອດລວມມີ 720 ບ້ານ.
ຜ່ານການຈັດຕັ້ງປະຕິບັດ ວຽກງານກໍ່ສ້າງຮາກຖານການເມືອງ-ພັດທະນາຊົນນະບົດຮອບດ້ານ ຕິດພັນກັບວຽກງານ 3 ສ້າງໄລຍະ 3 ປີຜ່ານມາເຫັນວ່າ ທົ່ວແຂວງໄດ້ມີສະຖຽນລະພາບທາງດ້ານການເມືອງໜັກແໜ້ນ ແລະ ມີຄວາມສະຫງົບໂດຍພື້ນຖານ, ການພັດທະນາເສດຖະກິດ - ສັງຄົມໄດ້ມີບາດກ້າວ ຂະຫຍາຍຕົວຢ່າງຕໍ່ເນື່ອງ, ທຸກອົງການຈັດຕັ້ງໄດ້ຮັບການປັບປຸງດີຂື້ນ ເຊີ່ງສະແດງອອກຢູ່ຂັ້ນບ້ານໃນທົ່ວແຂວງ ມີໜ່ວຍພັກເຂັ້ມແຂງຮູ້ນຳພາຮອບດ້ານ 330 ໜ່ວຍເທົ່າກັບ 46.08% ຂອງຈຳນວນໜ່ວຍພັກທັງໝົດ, ໜ່ວຍແມ່ຍິງ 3 ດີ 416 ໜ່ວຍ, ໜ່ວຍຊາວໜຸ່ມ 4 ບຸກ 324 ໜ່ວຍ, ປະກາດເປັນບ້ານ ວັດທະນະທຳແລ້ວ 194 ບ້ານ ແລະ 4 ກຸ່ມບ້ານ, ບ້ານປອດຄະດີ 346 ບ້ານ, ຄອບຄົວປອດຄະດີ 22.011 ຄອບຄົວ, ບ້ານປອດຢາເສບຕິດ 209 ບ້ານກວມ 29.19% ແລະ 100 ບ້ານໄດ້ປະກາດເປັນບ້ານພັດທະນາ.
ການພັດທະນາພື້ນຖານໂຄງລ່າງທົ່ວແຂວງມີ 379 ບ້ານ, ມີ 28.490
ຄອບຄົວໄດ້ຊົມໃຊ້ໄຟຟ້າ ແລະ ມີທາງລົດກວມ 100%.
ດ້ານການຜະລິດແກ້ໄຂ ຊີວິດການເປັນຢູ່ມີເນື້ອທີ່ຊົນລະປະທານກວມ
12.166 ເຮັກຕາຂອງເນື້ອທີ່ປູກຝັງທັງໝົດ,
ບ້ານທີ່ຍັງທຸກຍາກຫລຸດລົງຍັງເຫລືອພຽງ 437 ບ້ານ, ຄອບຄົວ
ທຸກຍາກຍັງເຫລືອ 17.166 ຄອບຄົວເທົ່າກັບ 36,71%
ຂອງຈຳນວນຄອບຄົວທົ່ວແຂວງ, ການຜະລິດກະສິກຳເພີ່ມຂື້ນໃນອັດຕາສະເລ່ຍ
13,55% ຕໍ່ ປີໃນນັ້ນໃນປີ 2013 ສາມາດຜະລິດເຂົ້າໄດ້ 1.010.145,7
ໂຕນ, ສາລີ 86.400 ໂຕນ, ເສດຖະກິດຂະຫຍາຍໃນລະດັບສະເລ່ຍ 11% ຕໍ່ປີ.ຜ່ານການຈັດຕັ້ງປະຕິບັດ ວຽກງານກໍ່ສ້າງຮາກຖານການເມືອງ-ພັດທະນາຊົນນະບົດຮອບດ້ານ ຕິດພັນກັບວຽກງານ 3 ສ້າງໄລຍະ 3 ປີຜ່ານມາເຫັນວ່າ ທົ່ວແຂວງໄດ້ມີສະຖຽນລະພາບທາງດ້ານການເມືອງໜັກແໜ້ນ ແລະ ມີຄວາມສະຫງົບໂດຍພື້ນຖານ, ການພັດທະນາເສດຖະກິດ - ສັງຄົມໄດ້ມີບາດກ້າວ ຂະຫຍາຍຕົວຢ່າງຕໍ່ເນື່ອງ, ທຸກອົງການຈັດຕັ້ງໄດ້ຮັບການປັບປຸງດີຂື້ນ ເຊີ່ງສະແດງອອກຢູ່ຂັ້ນບ້ານໃນທົ່ວແຂວງ ມີໜ່ວຍພັກເຂັ້ມແຂງຮູ້ນຳພາຮອບດ້ານ 330 ໜ່ວຍເທົ່າກັບ 46.08% ຂອງຈຳນວນໜ່ວຍພັກທັງໝົດ, ໜ່ວຍແມ່ຍິງ 3 ດີ 416 ໜ່ວຍ, ໜ່ວຍຊາວໜຸ່ມ 4 ບຸກ 324 ໜ່ວຍ, ປະກາດເປັນບ້ານ ວັດທະນະທຳແລ້ວ 194 ບ້ານ ແລະ 4 ກຸ່ມບ້ານ, ບ້ານປອດຄະດີ 346 ບ້ານ, ຄອບຄົວປອດຄະດີ 22.011 ຄອບຄົວ, ບ້ານປອດຢາເສບຕິດ 209 ບ້ານກວມ 29.19% ແລະ 100 ບ້ານໄດ້ປະກາດເປັນບ້ານພັດທະນາ.
ວຽກງານການສຶກສາ ແລະ ສາທາລະນະສຸກກໍໄດ້ປັບປຸງຍົກລະດັບຫລາຍດ້ານໃນນັ້ນ ດ້ານການສຶກສາທິການ ແລະ ກິລາກໍໄດ້ແຈກຢາຍຄູສອນໄປເຖິງບ່ອນ ຫ່າງໄກສອກຫລີກ, ປັດຈຸບັນທົ່ວແຂວງມີໂຮງຮຽນຊັ້ນປະຖົມສົມບູນ 755 ແຫ່ງ, ມັດທະຍົມມຕົ້ນ 92 ແຫ່ງ, ມັດທະ ຍົມ ມ ປາຍ 37 ແຫ່ງ, ເດັກໃນເກນ ອາຍຸໄດ້ເຂົ້າໂຮງຮຽນມີ 97,76%, ມີ 36 ໝວດໂຮງຮຽນ ຢັ້ງຢືນເປັນໝວດໂຮງຮຽນປອດຢາເສບຕິດ, ສາມາດປະກາດສຳເລັດການສຶກສາຊັ້ນປະຖົມ ພາກບັງຄັບໃນທົ່ວແຂວງໃນວັນທີ 17 ທັນວາ 2013.
ວຽກງານສາທາລະນະສຸກກໍໄດ້ປັບປຸງ ແລະ ຂະຫຍາຍຕາໜ່າງການບໍລິການໃຫ້ກວ້າງຂວາງອອກໄປສູ່ບ່ອນຈຸດສຸມຊື່ງປະຈຸ ບັນທົ່ວແຂວງມີສຸກສາລາ 58 ແຫ່ງ, ຕູ້ຢາປະຈຳບ້ານ 544 ບ້ານ, ກອງທຶນສຸຂະພາບຂອງຜູ້ທຸກຍາກ 67 ແຫ່ງ, ໃນນັ້ນຢູ່ຂັ້ນແຂວງ 1 ແຫ່ງ ຂັ້ນເມືອງ 8 ແຫ່ງ, ຂັ້ນສຸກສາລາ 58 ແຫ່ງ ແລະ ປະຕິບັດນະໂຍບາຍການຊ່ວຍເອົາລູກອອກໂດຍບໍ່ເສຍຄ່າ 46 ແຫ່ງ, ໃນນັ້ນຂັ້ນແຂວງ 1 ແຫ່ງ, ຂັ້ນເມືອງ 6 ແຫ່ງ ແລະ ຢູ່ຂັ້ນ ສຸກສາລາ 39 ແຫ່ງ. ເວົ້າລວມແລ້ວໄດ້ສ້າງເງື່ອນໄຂໃຫ້ປະຊາຊົນບັນດາເຜົ່າຜູ້ທຸກຍາກ ຢູ່ຊົນນະບົດໄດ້ເຂົ້າເຖິງການດ້ານສາທາລະນະສຸກ 100% ມາຮອດປະຈຸບັນ ສາມາດຮັບຮອງເປັນບ້ານສາທາລະນະສຸກແບບຢ່າງ 155 ບ້ານ, ກວມ 21,54% ຂອງຈຳນວນບ້ານໃນທົ່ວແຂວງ.
ເພື່ອປະຕິບັດຕາມມະຕິ 03 ຂອງກົມການເມືອງວ່າດ້ວຍການສ້າງຕັ້ງແຂວງເປັນຫົວ ໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ, ສ້າງ ບ້ານເປັນຫົວໜ່ວຍ ພັດທະນາ, ທາງຄະ ນະພັກ - ອຳນາດການປົກຄອງຂັ້ນແຂວງ, ຂັ້ນເມືອງພ້ອມກັບພະແນກການ ກໍໄດ້ເອົາໃຈໃສ່ຄົ້ນຄວ້າຜັນຂະຫຍາຍ ແລະ ຈັດຕັ້ງປະຕິບັດມະຕິ 3 ສ້າງເຂົ້າໃນ 3 ເມືອງເຊັ່ນ: ເມືອງຫົວເມືອງ, ວຽງໄຊ ແລະ ສົບເບົາຊື່ງມີ 6 ບ້ານເປົ້າໝາຍຄື: ບ້ານລານຊຽງ, ສົບເຫລົ້າ, ເມືອງປົວ, ລ້ອງກູ້, ສົບຮາວ ແລະ ບ້ານປ່າຮ່າງ. ຜ່ານການຈັດຕັ້ງປະຕິບັດໃນບາດ ກ້າວທົດລອງ 1 ປີຜ່ານມາສາມາດຫັນລົງເກັບກຳຂໍ້ມູນໄປພ້ອມກັບ ການປັບປຸງກົງຈັກການຈັດ ຕັ້ງແຕ່ລະດ້ານຢູ່ຂັ້ນເມືອງ ແລະ ຂັ້ນບ້ານເຊັ່ນ: ວຽກງານການເມືອງແນວຄິດ, ອຳນາດການປົກຄອງ, ວຽກງານປ້ອງກັນຊາດ - ປ້ອງກັນຄວາມສະ ຫງົບໃຫ້ເຂັ້ມແຂງໜັກແໜ້ນ, ຊຸກຍູ້ສົ່ງເສີມການພັດທະນາເສດຖະກິດ, ວັດທະນະທຳ - ສັງຄົມ. ຜ່ານການເຄື່ອນໄຫວຈັດຕັ້ງ ປະຕິ ບັດເຫັນວ່າວຽກງານທຸກດ້ານ ພວມເປັນຂະບວນການທີ່ຈະໄດ້ສືບຕໍ່ຈັດ ຕັ້ງປະຕິບັດໃນຂັ້ນຕໍ່ໄປດ້ວຍຄວາມຮັບຜິດຊອບ ຂອງຂະແໜງການກ່ຽວຂ້ອງ ແນ່ໃສ່ບັນລຸເປົ້າໝາຍ ສະຫັດສະວັດດ້ານພັດທະນາໃນປີ 2020 ທີ່ຈະມາເຖິງ.
ແຫລ່ງຂ່າວຈາກ: ສຳນັກຂ່າວສານປະເທດລາວ