 |
| ຮູບ: ຕົ້ນຊາກຸລະ |
ຂປລ. ວັນທີ 21 ກຸມພາ 2014 ນີ້, ທ່ານ ອິກ ຕະຢາກິໂຣ
ປະທານສະມາຄົມຄົນພິການແຫ່ງປະເທດຍີ່ປຸນ ພ້ອມດ້ວຍຄະນະ
ໄດ້ນຳເອົາຕົ້ນຊາກຸລະ 200 ຕົ້ນ ມາມອບໃຫ້ແຂວງຫົວພັນ ໂດຍແມ່ນທ່ານ
ຄຳຮຸ່ງ ເຮືອງວົງສີ ເຈົ້າແຂວງໆ ຫົວພັນ ເປັນຜູ້ກ່າວຮັບ ແລະ
ມີພະນັກງານທີ່ກ່ຽວຂ້ອງທັງສອງຝ່າຍ ເຂົ້າຮ່ວມ.
ຕົ້ນ
ຊາກຸລະດັ່ງກ່າວ
ຈະໄດ້ນຳໄປປູກຢູ່ບາງຈຸດໃນເຂດເທສະບານເມືອງ ຊຳເໜືອ,
ເຂດເດີ່ນບິນໜອງຄ້າງ ແລະ ເຂດອະນຸສອນສະຖານປະທານໄກສອນ ພົມວິຫານ
ທີ່ເມືອງ ວຽງໄຊ, ພ້ອມນີ້ ຍັງຈະໄດ້ຕັ້ງສູນຮັກສາເບ້ຍຊາກຸລະ
ເພື່ອສະດວກໃນການໃຫ້ຄຳປຶກສາ ແລະ ບົວລະບັດ ໂດຍມີຊ່ຽວຊານ ແລະ
ນັກວິຊາການປູກຝັງ ຂອງປະເທດຍີ່ປຸນ ໃຫ້ຄຳປຶກສາ, ຕິດຕາມ,
ຊ່ວຍວິໄຈດິນ ແລະ ລົງມືປູກ. ຖ້າຫາກປູກໄດ້ຜົນ ໃນອະນາຄົດ
ສະມາຄົມຄົນພິການ ແຫ່ງປະເທດຍີ່ປຸນ
ຈະສືບຕໍ່ມອບແນວພັນຕົ້ນຊາກຸລະ 400-600 ຕົ້ນ
ໃຫ້ປະຊາຊົນແຂວງຫົວພັນປູກຕື່ມອີກ ເພື່ອຮັດແໜ້ນສາຍພົວພັນ ລະຫວ່າງ
ລັດຖະບານລາວ ກັບລັດຖະບານຍີ່ປຸ່ນ ໃຫ້ນັບມື້ແໜ້ນແຟ້ນຍິ່ງໆຂຶ້ນ./.
ແຫລ່ງຂ່າວຈາກ: ສຳນັກຂ່າວສານປະເທດລາວ