 |
| ຮູບ: ປະກອບ |
ຂປລ. ການກໍ່ສ້າງໂຮງຮຽນການເມືອງ-ການປົກຄອງ ທີ່ບ້ານວັກ
ເມືອງວຽງໄຊ ແຂວງຫົວພັນໄດ້ ເລີ່ມລົງມືມາແຕ່ຕົ້ນເດືອນມີນາ 2011
ມາຮອດປັດຈຸບັນ ໄດ້ສຳເລັດ 100% ຕາມສັນຍາທີ່ໄດ້ລະບຸໄວ້ ຊຶ່ງ
ລັກສະນະຂອງໂຄງການ ເປັນອາຄານຖາວອນ ປະກອບມີໂຮງຮຽນ 2 ຊັ້ນຈຳນວນ 2
ຫລັງ, ຫ້ອງການຄູ 2 ຊັ້ນ 1 ຫລັງ, ເຮືອນພັກນັກຮຽນ 2 ຊັ້ນ 2 ຫລັງ,
ເຮືອນພັກຄູ-ອາຈານ ຊັ້ນດຽວ 2 ຫລັງ, ມີຮ້ານອາຫານ 1 ຊັ້ນ 1 ຫລັງ ແລະ
ສະໂມ ສອນ 1 ຫລັງສາມາດບັນຈຸໄດ້ 300-350 ຄົນ.
ແຕ່ລະຫລັງໄດ້ປະກອບມີໂຕະຕັ່ງ, ໄຟຟ້ານ້ຳປະປາຄົບຊຸດ ແລະ
ກໍ່ສ້າງກຳແພງອ້ອມຮອບ, ພາຍໃນມີການ ປັບປຸງຕົບແຕ່ງເປັນຢ່າງດີ
ລວມມູນຄ່າການກໍ່ສ້າງທັງໝົດ 38,97 ຕື້ກວ່າກີບ
ໂດຍແມ່ນທຶນຊ່ວຍເຫລືອລ້າຂອງແຂວງແທັງຮວາ ສສ ຫວຽດນາມ.
ພິທີມອບ-ຮັບ ແລະ
ເປີດການນຳໃຊ້ໂຮງຮຽນດັ່ງກ່າວ ໄດ້ຈັດຂຶ້ນໃນວັນທີ 11 ມີນາ 2014 ນີ້ ລະ
ຫວ່າງເຈົ້າຂອງໂຄງການ ກັບບໍລິສັດຮຶງຟາດກໍ່ສ້າງ ແລະ
ຄະນະກວດກາຄຸ້ມຄອງໂຄງການ ໂດຍມີທ່ານ ອ່ອນທອງ ແພງສົມພັນ
ຮອງເລຂາພັກແຂວງ, ຫົວໜ້າຄະນະຈັດຕັ້ງແຂວງ, ຜູ້ຊີ້ນຳແນວຄິດທິດ
ສະດີຂັ້ນແຂວງ, ມີບັນດາຄະນະກວດກາຄຸ້ມຄອງໂຄງການຂັ້ນແຂວງ
ພ້ອມດ້ວຍແຂກຖືກເຊີນ ແລະ ພະນັກງານພາຍໃນໂຮງຮຽນດັ່ງກ່າວເຂົ້າຮ່ວມ./
ແຫລ່ງຂ່າວຈາກ: ສຳນັກຂ່າວສານປະເທດລາວ