ທະນາຄານພັດທະນາລາວຄືທະນາຄານທີ່ຕິດອັນດັບໜຶ່ງທີ່ສາມາດເຂົ້າເຖິງປະຊາຊົນບໍ່ວ່າຈະເປັນການລະດົມເງິນຝາກ ແລະ ການປ່ອຍສິນເຊື່ອ ເພື່ອການພັດທະນາ ເມື່ອທຽບໃສ່ກັບທະນາຄານອື່ນໃນໄລຍະ 9 ເດືອນມານີ້ໄດ້ປ່ອຍສິນເຊື່ອແລ້ວເກືອບ 200 ຕື້ກີບ.
ພະແນກແຜນການ ແລະ ການລົງທຶນ ແຂວງຫົວພັນ ແຈ້ງໃຫ້ຮູ້ວ່າ: ຜ່ານການຈັດຕັ້ງປະຕິບັດຕາມແຜນພັດທະນາເສດ ຖະກິດŒສັງຄົມໃນໄລຍະ 9 ເດືອນມານີ້ເຫັນໄດ້ວ່າ ແຂວງມີຫຼາຍດ້ານທີ່ພົ້ນເດັ່ນ ແລະ ປະຕິບັດໄດ້ເປັນຕົ້ນແມ່ນວຽກງານໃນຂົງເຂດຂະແໜງທະນາຄານ ຊຶ່ງທົ່ວແຂວງມີທັງໝົດ 4 ທະນາຄານຄື: ສົ່ງເສີມກະສິກຳ, ການຄ້າຕ່າງປະເທດລາວ ມະຫາຊົນ, ພັດທະນາລາວ ແລະ ທະນາຄານນະໂຍບາຍ, ແຕ່ໃນນີ້ທະນາຄານທີ່ສາມາດເຂົ້າເຖິງກຸ່ມລູກຄ້າໄດ້ ແລະ ຕອບສະໜອງດ້ານສິນເຊື່ອ
ໄດ້ຫຼາຍກວ່າໝູ່ແມ່ນທະນາຄານພັດທະນາລາວ ໂດຍເຫັນໄດ້ຈາກການປະຕິບັດໄລຍະ 9 ເດືອນຂອງປີ 2014 ນີ້ ລະດົມເງິນຝາກຈຳນວນ 208,97 ຕື້ກີບ ແລະ ປ່ອຍສິນເຊື່ອໄດ້ 174,93 ຕື້ກີບ, ທຽບໃສ່ແຜນການປີປະຕິບັດໄດ້ 97,34%, ຮອງລົງມາແມ່ນທະນາຄານສົ່ງເສີມກະສິກຳມີເງິນຝາກທັງໝົດ 130,25 ຕື້ກີບ, ປ່ອຍສິນເຊື່ອໄດ້ 113,47 ຕື້ກີບ ທຽບກັບແຜນການປີປະຕິ ບັດໄດ້ 89,21%.
ນອກນັ້ນ ຍັງມີທະນາຄານການຄ້າ ຕ່າງປະເທດລາວ ມະຫາຊົນ ທີ່ໄດ້ລະດົມເງິນຝາກທັງກະແສລາຍວັນ, ຝາກປະຢັດ ແລະ ຝາກປະຈຳທັງໝົດມີ 159,20 ຕື້ກີບ, ປ່ອຍສິນເຊື້ອໄດ້ 109,96 ຕື້ກີບ ທຽບໃສ່ແຜນການປີປະຕິບັດໄດ້ 97,50%, ສ່ວນທະນາຄານນະໂຍບາຍປ່ອຍສິນເຊື່ອ 120,11 ຕື້ກີບ ທຽບໃສ່ແຜນການປີປະ ຕິບັດໄດ້ລື່ນຄາດໝາຍ 103,30%.
ອີງຕາມຂໍ້ມູນຍັງໃຫ້ຮູ້ອີກວ່າ: ໃນການລະດົມເງິນຝາກ ເພື່ອຕອບສະໜອງການປ່ອຍສິນເຊື່ອໃຫ້ກູ້ຢືມຈາກບັນດາທະນາຄານເຫຼົ່ານັ້ນແມ່ນໄດ້ສຸມໃສ່ວຽກຂອງການພັດທະນາພື້ນຖານໂຄງລ່າງທາງດ້ານເສດຖະກິດ ແລະ ສັງຄົມຂອງແຂວງຫົວພັນ ໂດຍສະເພາະການສົ່ງເສີມການປູກ ແລະ ການລ້ຽງສັດຂອງປະຊາຊົນ ເພື່ອຜະລິດເປັນສິນຄ້າສົ່ງອອກໃຫ້ນັບມື້ນັບຫຼາຍຂຶ້ນ ຊຶ່ງໃນໄລຍະ 9 ເດືອນມານີ້ທະນາຄານພັດທະນາລາວແມ່ນເອົາໃຈໃສ່ໃນການລະດົມທຶນ ແລະ ເລັ່ງໃສ່ການປ່ອຍສິນເຊື່ອໃຫ້ພຽງພໍກັບຄວາມຕ້ອງການຂອງສັງຄົມ ແລະ ໃນນີ້ ທະນາຄານໄດ້ເນັ້ນໃສ່ການປ່ອຍກູ້ທີ່ເປັນ 3 ໄລຍະຄື: ໄລຍະສັ້ນ, ກາງ ແລະ ຍາວ, ຜ່ານການປະຕິບັດຕົວຈິງເຫັນວ່າຈຳນວນການປ່ອຍກູ້ໄລຍະສັ້ນໄດ້ທັງໝົດ 12,37 ຕື້ກີບ, ໄລຍະກາງແມ່ນ 160,07 ຕື້ກີບ ແລະ ໄລຍະຍາວຈຳນວນ 980 ລ້ານກີບ, ສ່ວນ ເກັບລາຍຮັບໄດ້ 15,16 ຕື້ກີບ ແລະ ລາຍຈ່າຍປະຕິບັດໄດ້ 13,66 ຕື້ກີບ ທຽບໃສ່ ແຜນການປີປະຕິບັດໄດ້ 66,67% ນອກ ຈາກນັ້ນ ກໍຍັງໄດ້ມອບພັນທະເຂົ້າງົບປະມານແລ້ວ 420 ລ້ານກີບ.
ສຳລັບທະນາຄານສົ່ງເສີມກະສິກຳໄດ້ເອົາໃຈໃສ່ຕອບສະໜອງສິນເຊື່ອເຂົ້າໃນການຜະລິດອຸດສາຫະກຳŒຫັດຖະກຳ ໄດ້ 7,31 ຕື້ກີບ, ກະສິກຳ ຈຳນວນ 14,04 ຕື້ກີບ, ການກໍ່ສ້າງ 13,34 ຕື້ກີບ, ປ່ອຍເຂົ້າໃນການຄ້າŒບໍລິການມີ 63,73 ຕື້ ກີບ ແລະ ຂະແໜງການອື່ນໆຈຳນວນ 16,05 ຕື້ກີບ, ຊຶ່ງເຮັດໃຫ້ທະນາຄານສາມາດເກັບລາຍຮັບໄດ້ທັງໝົດ 15,95 ຕື້ກີບທຽບໃສ່ແຜນການປີປະຕິບັດໄດ້ 75,01% ແລະ ລາຍຈ່າຍເທົ່າກັບ 15,43 ຕື້ກີບ ເມື່ອທຽບໃສ່ແຜນການປີປະຕິບັດ ໄດ້ 74,99%.
ສ່ວນທະນາຄານການຄ້າຕ່າງປະເທດລາວ ມະຫາຊົນ ແມ່ນໄດ້ລົງເລິກໃນຂະແໜງການຄ້າŒການບໍລິການ 33,30 ຕື້ກີບ, ກະສິກຳ 5,27 ຕື້ກີບ, ກໍ່ສ້າງ 71,17 ຕື້ກີບ ແລະ ຂະແໜງການອື່ນໆໄດ້ 220 ລ້ານກີບ, ຊຶ່ງສາມາດເກັບລາຍຮັບໄດ້ທັງໝົດ 8,60 ຕື້ກີບ, ລາຍຈ່າຍ 11,43 ຕື້ກີບ ແລະ ທະນາຄານນະໂຍບາຍແມ່ນໄດ້ກະຈາຍເຂົ້າໃນຂະແໜງປູກຝັງ 21 ຕື້ກີບ ທຽບໃສ່ແຜນການປີປະຕິບັດໄດ້ລື່ນຄາດໝາຍ 135,69%, ລ້ຽງສັດ 77,93 ຕື້ກີບທຽບໃສ່ແຜນການປີປະຕິບັດໄດ້ລື່ນແຜນ 161,77%, ຫັດຖະກຳ 16,27 ຕື້ກີບເທົ່າ 149,25% ຂອງແຜນການປີ, ອຸດສາຫະກຳປຸງແຕ່ງໄດ້ 1,28 ຕື້ກີບ ລື່ນແຜນ 0,24%, ການຄ້າŒການບໍລິການໄດ້ 3,61 ຕື້ກີບ ເທົ່າກັບ 28,60% ຂອງແຜນການປີ.
ແຫລ່ງຂ່າວຈາກ: ໜັງສືພີເສດກິດ-ສັງຄົມ