 |
| ພາບຕົວເມືອງ ຊຳເໜືອ |
ຫົວພັນເປັນອີກແຂວງທີ່ຖືເອົາວຽກງານການທ່ອງທ່ຽວເປັນບຸລິມະສິດໜຶ່ງທີ່ສຳຄັນໃນການພັດທະນາເສດຖະກິດ-ສັງຄົມ ແລະ ກໍເຫັນວ່າວຽກງານດັ່ງກ່າວຂອງແຂວງນັບມື້ໄດ້ຮັບການປັບປຸງພັດທະນາ ແລະ ມີບາດກ້າວຂະຫຍາຍຕົວດີຂຶ້ນ ສະແດງອອກໃຫ້ເຫັນ 9 ເດືອນຂອງສົກປີ 2013-2014 ນີ້ ສາມາດດຶງນັກທ່ອງທ່ຽວເຂົ້າມາຢ້ຽມຊົມແລ້ວເກືອບ 26 ພັນຄົນ, ສ້າງລາຍຮັບແກ່ສັງຄົມໄດ້ 10,3 ຕື້ກວ່າກີບ.
ອີງຕາມຂໍ້ມູນຈາກພະແນກ ຖວທ ແຂວງຫົວພັນໃຫ້ຮູ້ວ່າ:
ວຽກງານການທ່ອງທ່ຽວໄດ້ກາຍ ເປັນບຸລິມະສິດທີ່ສຳຄັນໃນການພັດທະນາເສດຖະ ກິດ-ສັງຄົມຂອງແຂວງ ເນື່ອງຈາກວ່າ:
ເປັນແຂວງພູດອຍເຕັມໄປດ້ວຍພູ, ຜາປ່າໄມ້, ຫ້ວຍນ້ຳ ລຳເຊອັນອຸດົມສົມບູນ ໂດຍສະເພາະສະຖານທີ່ທ່ອງທ່ຽວທາງວັດທະນະທຳທີ່ລືຊື່, ທຳມະຊາດທີ່ສວຍງາມ ແລະ ທາງປະຫວັດສາດທີ່ໜ້າສົນໃຈ ຊຶ່ງມາຮອດປະຈຸບັນ ວຽກງານທ່ອງທ່ຽວຖືວ່າໄດ້ຮັບການປັບປຸງພັດທະນາຢ່າງ
ຕັ້ງໜ້າ ແລະ ມີ ທ່າກ້າວຂະຫຍາຍຕົວດີຂຶ້ນເປັນຕົ້ນ
ສິ່ງຮອງຮັບ ແກ່ການທ່ອງທ່ຽວເຊັ່ນ:
ສະຖານທີ່ທ່ອງທ່ຽວ, ໂຮງແຮມ, ເຮືອນພັກ, ຮ້ານອາຫານ, ລົດໂດຍ ສານ-ລົດບໍລິການນຳທ່ຽວ ແລະ ອື່ນໆ ອັນສາ ມາດຮອງຮັບໄດ້ໃນຂັ້ນພື້ນຖານ.
ສຳລັບໄລຍະ 9 ເດືອນຜ່ານມາຂອງສົກປີນີ້
ແຂວງຫົວພັນໄດ້ມີການເຄື່ອນໄຫວວຽກງານການທ່ອງທ່ຽວຫຼາຍດ້ານດ້ວຍກັນຄື: ໄດ້ປະ ສານສົມທົບກັບກົມພັດທະນາການທ່ອງທ່ຽວ ລົງກວດກາໂຄງການກໍ່ສ້າງສູນຂໍ້ມູນຂ່າວສານ, ກໍ່ສ້າງສິ່ງອຳນວຍຄວາມສະດວກຢູ່ບໍ່ນ້ຳຮ້ອນ ເມືອງວຽງທອງ, ເອົາໃຈໃສ່ໂຄສະນາການທ່ອງທ່ຽວຂອງແຂວງດ້ວຍການປັບປຸງກະດານຂ່າວຫ້ອງຂໍ້ມູນ, ອັບເດດຂໍ້ມູນເວັບໄຊ, ແປຂໍ້ມູນການທ່ອງທ່ຽວຂອງແຂວງເປັນພາສາຫວຽດ ນາມ ເພື່ອໂຄສະນາໃຫ້ກວ້າງຂວາງກວ່າເກົ່າ; ສຳເລັດການລົງຕິດຕັ້ງປ້າຍຊີ້ບອກແຫຼ່ງທ່ອງທ່ຽວບາງຈຸດຢູ່ເມືອງແອດ, ເມືອງຊຳເໜືອ, ນອກນີ້
ຍັງໄດ້ຄຸ້ມຄອງກວດກາລົງເກັບກຳສະຖິຕິບັນດາຫົວໜ່ວຍທຸລະກິດທີ່ກ່ຽວພັນກັບການທ່ອງທ່ຽວໃຫ້ເຄື່ອນໄຫວຖືກຕ້ອງຕາມລະບຽບກົດໝາຍ, ປັບປຸງບໍລິສັດທ່ອງທ່ຽວທີ່ມີແລ້ວໃຫ້ເຂົ້າກັບລະບຽບຫຼັກການ, ເຂົ້າຮ່ວມຝຶກອົບຮົມການບໍລິການທ່ອງທ່ຽວເບິ່ງສັດປ່າເຂດປ່າສະຫງວນ.
ຢ່າງໃດກໍຕາມ ໃນໄລຍະດັ່ງກ່າວມີນັກທ່ອງທ່ຽວທັງພາຍໃນ ແລະ ຕ່າງປະເທດ ເດີນທາງເຂົ້າມາຢ້ຽມຊົມແຂວງຫົວພັນທັງໝົດ 25.911 ຄົນ, ໃນນັ້ນມີນັກທ່ອງທ່ຽວຕ່າງປະເທດ 14.505 ຄົນ, ສ້າງລາຍຮັບແກ່ສັງຄົມ, ຜູ້ປະກອບການດ້ານການບໍລິການ ສະເລ່ຍໄດ້ 10,3 ຕື້ກວ່າກີບ, ສ່ວນສະຖານທີ່ທ່ອງທ່ຽວທົ່ວແຂວງມີທັງໝົດ 139 ແຫ່ງ, ແຫຼ່ງທ່ອງທ່ຽວທຳມະຊາດ 49 ແຫ່ງ, ວັດທະນະທຳ 32 ແຫ່ງ ແລະ ແຫຼ່ງທ່ອງທ່ຽວ ທາງປະຫວັດສາດ 58 ແຫ່ງ, ໃນນີ້ ໄດ້ເປີດບໍລິການແລ້ວ 37 ແຫ່ງ.
ແຫລ່ງຂ່າວຈາກ: ຫນັງສືພີມເສດຖະກິດ-ສັງຄົມ