 |
| ສາງເກັບນ້ຳມັນທີ່ເມືອງວຽງໄຊ |
ໃນສົກປີ 2013-2014 ຜ່ານມາ ການລົງທຶນຂອງພາກເອກະຊົນພາຍໃນ ແລະ ຕ່າງປະເທດ ຢູ່ແຂວງຫົວພັນ ຍັງສຶບຕໍ່ມີບັນຍາກາດຄຶກຄື້ນດີ ແລະ ເພີ່ມຂຶ້ນຢ່າງຕໍ່ເນື່ອງ, ໃນນັ້ນ ເດັ່ນກວ່າໝູ່ແມ່ນການລົງທຶນໃນກິດຈະການສຳປະທານ ຊຶ່ງເພີ່ມຂຶ້ນເຖິງ 6 ເທົ່າຕົວ.
ອີງຕາມການລາຍງານຂອງພະແນກແຜນການ ແລະ ການລົງທຶນແຂວງຫົວພັນ ໃຫ້ຮູ້ວ່າ: ໄລຍະຜ່ານມາ ເຖິງວ່າລັດຖະບານຈະມີຄຳສັ່ງແນະນຳເລກທີ 13/ນຍ ໃຫ້ຢຸດເຊົາການຂຸດຄົ້ນແຮ່ທາດ ແລະ ປູກຢາງພາລາ ຈົນຮອດປີ 2015, ແຕ່ການລົງທຶນຂອງພາກເອກະຊົນພາຍໃນ ແລະ ຕ່າງປະເທດຢູ່ແຂວງ ໃນສົກປີ 2013-2014 ຍັງສຶບຕໍ່ມີບັນຍາກາດຄຶກຄື້ນດີເຮັດໃຫ້ໝົດສົກປີມູນຄ່າລົງທຶນ ບັນລຸ 128,74 ລ້ານໂດລາ ຫຼື ເທົ່າກັບ 1.065,39 ຕື້ກີບທຽບໃສ່ແຜນການປີລື່ນຄາດໝາຍ ໃນນີ້ ເປັນທຶນພາຍໃນຈຳນວນ 81,67 ລ້ານໂດລາ ແລະ ທຶນຕ່າງປະເທດ
47,07 ລ້ານໂດລາ, ທີ່ສຸມໃສ່ 2 ກິດຈະການຫຼັກ.
ໃນສົກປີແລ້ວນີ້ ສະເພາະກິດຈະການສຳປະທານທົ່ວແຂວງ ແມ່ນສາມາດປະຕິບັດໄດ້ທັງໝົດມີ 9 ຫົວໜ່ວຍ ລວມມູນຄ່າການລົງທຶນມີຈຳນວນ 82,79 ລ້ານໂດ ລາ ຫຼື ເທົ່າກັບ 662,32 ຕື້ກີບ ທຽບໃສ່ແຜນການປີລື່ນຄາດໝາຍ 6 ເທົ່າຕົວ ຊຶ່ງມີທຶນຈົດທະບຽນທັງໝົດ 13,49 ລ້ານໂດລາ, ໃນນີ້ ເປັນການລົງທຶນຈາກນັກທຸລະກິດ ສສ. ຫວຽດນາມ ມູນ ຄ່າທັງໝົດ 2,50 ລ້ານໂດລາ, ທຶນຈົດທະບຽນມີ 2,31 ລ້ານໂດລາ, ຈາກນັກທຸລະກິດຈີນ ເປັນມູນຄ່າ 19,42 ລ້ານໂດລາ, ມີທຶນຈົດທະບຽນ 8,18 ລ້ານໂດລາ ແລະ ການລົງທຶນຈາກນັກທຸລະກິດສິງ ກະໂປ ລວມເປັນມູນຄ່າ 18,87 ລ້ານໂດລາ, ທຶນຈົດທະບຽນ 3 ລ້ານໂດລາ ແລະ ການລົງທຶນຂອງນັກທຸລະກິດພາຍໃນ 2 ຫົວໜ່ວຍ ມູນຄ່າການລົງທຶນ 42 ລ້ານໂດລາ ເທົ່າກັບ 336 ຕື້ກີບ.
ສ່ວນກິດຈະການທົ່ວໄປ ໃນສົກປີ 2013-2014 ແຂວງປະຕິບັດໄດ້ທັງໝົດ 485 ຫົວໜ່ວຍ, ລວມທຶນຈົດທະບຽນທັງໝົດ 45,95 ລ້ານໂດລາ ຫຼື ເທົ່າກັບ 402,16 ຕື້ກີບ, ໃນນີ້ ທຶນຕ່າງປະ ເທດມີ 24 ຫົວໜ່ວຍ ທຶນຈົດທະບຽນ 6,28 ລ້ານໂດລາ ຫຼື ເທົ່າກັບ 50,27 ຕື້ກີບ ແລະ ພາຍໃນມີ 461 ຫົວໜ່ວຍທຶນຈົດທະບຽນ 39,67 ລ້ານໂດລາ ຫຼື ເທົ່າກັບ 317,36 ຕື້ກີບ.
ສຳລັບການລົງທຶນເຂົ້າໃນກິດຈະການສຳປະທານທີ່ມີມູນຄ່າເພີ່ມຂຶ້ນຫຼາຍ ກໍເນື່ອງຈາກວ່ານັກລົງທຶນໄດ້ມີການປັບປຸງທຶນຄືນໃໝ່ ແລະ ເພີ່ມທຶນຈາກທຶນທີ່ມີຢູ່ແລ້ວໃນເມື່ອກ່ອນເພື່ອເຂົ້າໃນການລົງທຶນ ດັ່ງນັ້ນ ຈິ່ງເຮັດໃຫ້ມູນຄ່າ ການຂຶ້ນທະບຽນສຳປະທານ ແລະ ການລົງທຶນເຂົ້າໃນກິດຈະການສຳປະທານຈະມີມູນຄ່າ ເພີ່ມຂຶ້ນສູງ.
ຢ່າງໃດກໍຕາມ ເຖິງວ່າມູນຄ່າໃນການລົງທຶນສູງແຕ່ຖ້າທຽບ ໃສ່ປີຜ່ານມາການລົງທຶນຂອງແຂວງກໍຍັງພົບຄວາມຫຍຸ້ງຍາກ ໂດຍສະເພາະແມ່ນຂະແໜງບໍ່ແຮ່ຍ້ອນໄດ້ມີຄຳສັ່ງແນະນຳເລກທີ 13/ນຍ ໃຫ້ຢຸດເຊົາການຂຸດຄົ້ນແຮ່ ທາດ ແລະ ປູກຢາງພາລາ ຈົນ ຮອດປີ 2015, ສະນັ້ນ ຈິ່ງເຮັດໃຫ້ກິດຈະການສຳປະທານດ້ານແຮ່ທາດຈຳນວນໜຶ່ງຖືກຍົກເລີກການລົງທຶນເຂົ້າໃນຂະແໜງການຜະລິດ ກໍຍັງບໍ່ທັນມີຫຼາຍຕົ້ນຕໍແມ່ນການລົງທຶນເຂົ້າໃນວຽກງານການປູກ ແລະ ການລ້ຽງທີ່ເປັນທ່າແຮງຂອງແຂວງ.
ແຫລ່ງຂ່າວຈາກ: ໜັງສືພີມເສດຖະກິດ-ສັງຄົມ