 |
| ພາບປະກອບ |
ເມື່ອບໍ່ດົນຜ່ານມານີ້, ພະແນກແຜນການ ແລະ ການລົງທຶນແຂວງຫົວພັນ ສົມທົບ ກັບບໍລິສັດເນເຊີແນວ ຄອນຊາວ ຕີງກຣຸບ ຈຳກັດຜູ້ດຽວໄດ້ຈັດ ພິທີເຊັນສັນຍາວ່າດ້ວຍການຄຸ້ມຄອງເຂື່ອນໄຟຟ້ານ້ຳຕົກ ຂະໜາດນ້ອຍນ້ຳດິກ 1 ຢູ່ ບ້ານເຕົ້າເມືອງຊຳໃຕ້ ແລະ ນ້ຳດິກ 2 ແລະ 3 ຢູ່ເມືອງກວັນ ແຂວງຫົວພັນ. ທັງ 3 ໂຄງການ ເປັນການລົງທຶນ ຂອງບໍລິສັດເອກະຊົນພາຍໃນ 100% ໃນ ມູນຄ່າ 100 ລ້ານກວ່າໂດລາ, ຊຶ່ງມີກຳລັງແຮງຕິດຕັ້ງນ້ຳດິກ 1 ບ້ານເຕົ້າ ເມືອງຊໍາໃຕ້ມີ 15 ເມກາວັດ, ນ້ຳດິກ 2ເມືອງ ກວັນມີ 15 ເມກາວັດ ແລະ ນ້ຳດິກ 3 ມີ 10 ເມກາວັດໄລ ຍະການກໍ່ສ້າງແຕ່ລະໂຄງການ ຈະດໍາເນີນເປັນເວລາ 4 ປີ,ມີ ອາຍຸສຳປະທານ 50 ປີ ແບ່ງເປັນ 2 ໄລຍະຄື: ໄລຍະການກໍ່ ສ້າງໂຄງການ ແລະ ໄລຍະການຜະລິດ-ການບຳລຸງຮັກສາ.
ຮ່ວມລົງນາມເຊັນບົດບັນ ທຶກສັນຍາໂດຍແມ່ນ ທ່ານ ພອນໄຊ ອິນທະວົງ ຫົວໜ້າພະແນກແຜນການ ແລະ ການລົງທຶນແຂວງ,
ທ່ານ ທອງສຸກ ສົມພະວັນ ຮອງຫົວໜ້າພະແນກ ພະລັງງານ ແລະ ບໍ່ແຮ່ແຂວງ, ທ່ານ ທອງຫວັງ ຄູນທອນຮຸ່ງມີໄຊ ຮອງເຈົ້າເມືອງຊຳໃຕ້, ທ່ານ ໄມຄໍາ ພິມມະສອນ ເຈົ້າເມືອງໆກວັນ ແລະ ທ່ານ ທະວີສຸກ ສີສຸລິດ ອຳນວຍການ ບໍລິສັດເນເຊີແນວ ຄອນຊາວ ຕີງກຣຸບ ຈຳກັດຜູ້ດຽວ. ໂດຍ ໃຫ້ກຽດເຂົ້າຮ່ວມ ເປັນສັກຂີພິ ຍານຂອງ ທ່ານ ຄຳຮຸ່ງ ເຮືອງ ວົງສີ ເຈົ້າແຂວງຫົວພັນ.
ຂ່າວຈາກ: ໜັງສືພີມປະຊາຊົນ