 |
| ພາບ: ສະໝາມກິລາເມືອງຊ່ອນ |
ແຂວງຫົວພັນໄດ້ລົງນາມໃນບົດບັນທຶກເພື່ອວ່າຈ້າງບໍລິສັດເຂົ້າໃນການສຳຫຼວດອອກແບບໂຄງການກໍ່ສ້າງພື້ນຖານໂຄງລ່າງກວມເອົາຢູ່ສອງເມືອງຄື: ເມືອງຊ່ອນ ແລະ ເມືອງຊຽງຄໍ້ ລວມມີມູນຄ່າທັງໝົດ 17 ຕື້ກວ່າກີບ ໂດຍຖ້າສຳເລັດການສຳຫຼວດ ແລະ ອອກແບບແມ່ນບໍລິສັດຈິດຈະເລີນຈະເປັນຜູ້ຮັບເໝົາກໍ່ສ້າງ.
ການເຊັນສັນຍາວ່າຈ້າງເທື່ອນີ້ໄດ້ຈັດຂຶ້ນຕອນແລງວັນທີ 21 ພຶດສະພາ 2015 ໂດຍການເຂົ້າຮ່ວມຂອງທ່ານ ດຣ. ຈັນແສງ ພິມມະວົງ ຮອງເຈົ້າແຂວງ ຜູ້ຊີ້ນຳຂົງເຂດເສດຖະກິດຂັ້ນແຂວງ, ມີບັນດາທ່ານຫົວໜ້າ-Œຮອງຫົວໜ້າພະແນກການກ່ຽວຂ້ອງຂອງແຂວງ, ເຈົ້າເມືອງຊຳເໜືອ, ເມືອງຊຽງຄໍ້, ເມືອງຊ່ອນ, ບໍລິສັດຜູ້ຮັບເໝົາ ແລະ ພະນັກງານວິຊາການເຂົ້າຮ່ວມນຳ ພິທີເຊັນສັນຍາຄັ້ງນີ້ມີ 2 ສັນຍາຄື:
ສັນຍາທີ 1 ແມ່ນການກໍ່ສ້າງພື້ນຖານໂຄ່ງລ່າງເທສະບານເມືອງຊ່ອນ ຊຶ່ງປະກອບມີ: ກໍ່ສ້າງສະໂມສອນ, ສະໜາມກີລາ,
ສວນສາທາລະນະ, ຄ້າຍໝວດທະຫານ, ເສັ້ນທາງແຕ່ເມືອງ ຊ່ອນຫາບ້ານຫ້ວຍມ້າ (ຜາຖີ່) ເມືອງ ຊໍາເໜືອ ແລະ ໂຄງການກໍ່ສ້າງຂົວຂ້າມນ້ຳມ່າ, ສ້າງທາງເທສະບານເມືອງຊຽງ ຄໍ້ ບັນດາໂຄງການເຫຼົ່ານີ້ ໂດຍແມ່ນກອງສຳຫຼວດອອກແບບ ແລະ ທີ່ປຶກສາແຂວງ ຫົວພັນເປັນຜູ້ສຳຫຼວດ ຊຶ່ງມີມູນຄ່າທັງໝົດ 6,28 ຕື້ກວ່າກີບ.
ອີກສັນຍາທີ 2 ແມ່ນໂຄງການກໍ່ສ້າງພື້ນຖານໂຄງລ່າງເມືອງຊ່ອນເຂົ້າຮ່ວມຊຶ່ງປະກອບມີ ສ້າງອາຄານຫ້ອງການຕ່າງໆ, ເສັ້ນທາງ ແລະ ຂົວພາຍໃນເທສະບານເມືອງຊ່ອນ ສັນຍານີ້ລວມທັງໝົດມີ 11 ກິດຈະກຳ ແລະ ຮັບຜິດຊອບສຳຫຼວດອອກແບບໂດຍແມ່ນບໍລິສັດບົວຄຳສຳຫຼວດອອກແບບ ແລະ ທີ່ປຶກສາໃນມູນຄ່າ 1,4 ລ້ານໂດລາສະຫະລັດ ຫຼື ປະມານ 11,58 ຕື້ກີບ ໂດຍທັງສອງໂຄງການນີ້ ເມື່ອສຳເລັດໃນການສຳຫຼວດອອກແບບແລ້ວແມ່ນບໍລິສັດຈິດຈະເລີນຈະເປັນຜູ້ຮັບເໝົາກໍ່ສ້າງ.
ໃຫ້ກຽດລົງນາມເຊັນບົດບັນທຶກໃນການສຳຫຼວດອອກແບບທັງສອງສັນຍານີ້ມີ ທ່ານ ພອນສຸກ ອິນທະວົງ ຫົວໜ້າພະແນກໂຍທາທິການ ແລະ ຂົນສົ່ງແຂວງ ຫົວພັນ ໃນນາມເຈົ້າຂອງໂຄງການ, ທ່ານ ພອນໄຊ ອິນທະວົງ ຫົວໜ້າພະແນກແຜນການ- Œ ການລົງທຶນແຂວງ, ທ່ານ ອຸນໃຈ ສີແສງຈັນ ຫົວໜ້າກອງສຳຫຼວດອອກແບບ ແລະທີ່ປຶກສາແຂວງຫົວພັນ, ທ່ານ ສີສົມພອນ ໜໍ່ສັກປະເສີດ ອຳນວຍການບໍລິສັດບົວຄຳສຳຫຼວດŒອອກແບບ ແລະ ທີ່ປຶກສາໃນນາມເປັນຜູ້ສຳຫຼວດອອກ ແບບໂຄງການດັ່ງກ່າວ.
ແຫລ່ງຂ່າວຈາກ: ໜັງສືພີມເສດຖະກິດ-ສັງຄົມ