 |
| ພາບປະກອບຂ່າວ: ແກ້ງລິດ (ເມືອງແອດ) |
ວັນທີ 25 ພຶດສະພາຜ່ານມາ ແຂວງຫົວພັນໄດ້ເປີດພິທີກໍ່ສ້າງຂົວຂ້າມ ນ້ຳແອດຂຶ້ນຢ່າງເປັນທາງການເປັນກຽດເຂົ້າຮ່ວມມີ ທ່ານ ຕຳລາ ອຳຄາ ທອງຄຳ ຮອງເລຂາພັກແຂວງ, ມີບັນດາ ທ່ານການນຳທີ່ມາຈາກພະແນກການກ່ຽວຂ້ອງຂັ້ນແຂວງ ແລະເມືອງ, ບໍລິສັດ, ພະນັກງານວິຊາການ, ຄະນະພັກອຳນາດການປົກຄອງບ້ານຕະຫຼອດຮອດພໍ່ແມ່ປະຊາຊົນເຂົ້າຮ່ວມ.
ຂົວແຫ່ງນີ້ຈະສ້າງເປັນຂົວເບຕົງເສີມເຫຼັກ ມີລວງຍາວທັງໝົດ 80 ແມັດ, ກວ້າງ 9 ແມັດ ລວມທັງທາງຍ່າງສອງຝາກຂ້າງກວ້າງເບື້ອງລະ 1,20 ແມັດ, ມີທາງລົດແລ່ນສອງເລນ, ເລນລະ 3,5 ແມັດ. ພ້ອມທັງຈະຕິດຕັ້ງດອກໄຟເຍື່ອງທາງຕາມຂົວ ໂດຍແມ່ນບໍລິສັດ
ຮົວທາຍພັດທະນາຄົບວົງຈອນຈຳກັດແຫ່ງສາທາລະນະລັດປະຊາຊົນຈີນເປັນຜູ້ຮັບເໝົາໃນມູນຄ່າການກໍ່ສ້າງທັງໝົດ 28 ຕື້ກີບ. ໂດຍແມ່ນທຶນຂອງລັດຖະບານແຫ່ງ ສປປ ລາວ ແລະ ຈະໃຊ້ເວລາເຂົ້າໃນການກໍ່ສ້າງ 21 ເດືອນໃຫ້ສຳເລັດ.
ຖ້າຫາກໂຄງການນີ້ສຳເລັດຈະເປັນການອຳນວຍຄວາມສະດວກໃຫ້ແກ່ປະຊາຊົນທັງສອງຟາກຝັ່ງຈຳນວນ 53 ໝູ່ບ້ານໄດ້ໄປມາຫາສູ່, ຂົ່ນສົ່ງ ແລະ ແລກປ່ຽນສິນຄ້າຕ່າງໆເຊິ່ງກັນ ແລະ ກັນງ່າຍຂຶ້ນ ສິ່ງສຳຄັນຍັງຊ່ວຍເຮັດໃຫ້ການພັດທະນາເສດຖະກິດŒສັງຄົມ ແລະ ແກ້ໄຂຄວາມທຸກຍາກ ເວົ້າສະເພາະແມ່ນການແກ້ໄຂຊີວິດການເປັນຢູ່ຂອງປະຊາຊົນ ເມືອງແອດໃຫ້ດີຂຶ້ນເປັນກ້າວໆ.
ແຫລ່ງຂ່າວຈາກ: ໜັງສືພີມເສດຖະກິດ-ສັງຄົມ
ແຫລ່ງຂ່າວຈາກ: ໜັງສືພີມເສດຖະກິດ-ສັງຄົມ