ປະຊາຊົນຫວຽດນາມກໍຄືແຂວງແທັງຮວ່າ ນ້ຳໃຈງາມນຳເງິນ 38,7 ຕື້ ກີບ ຫຼື ປະມານ 104,52 ຕື້ດົງ ມາສ້າງໂຮງຮຽນການເມືອງŒ-ການປົກຄອງໃຫ້ແກ່ແຂວງຫົວພັນລ້າ ໂດຍຂະນະນີ້ການກໍ່ສ້າງແມ່ນໄດ້ສຳເລັດເປັນທີ່ຮຽບຮ້ອຍແລ້ວ ແລະ ມີພິທີມອບŒຮັບຢ່າງເປັນທາງການຈາກບໍລິສັດຮັບເໝົາກໍ່ສ້າງເມື່ອແລງວັນທີ 5 ມິຖຸນາຜ່ານມາ.
ໃຫ້ກຽດເຂົ້າຮ່ວມໃນພິທີມີ ທ່ານ ພົທ ແສງນວນ ໄຊຍະລາດ ຄະນະເລຂາທິການສູນກາງພັກ, ລັດຖະມົນຕີວ່າການກະຊວງປ້ອງກັນປະເທດ,
ທ່ານ ຄຳຮຸ່ງ ເຮືອງວົງສີ ກຳມະການສູນກາງພັກ, ເລຂາພັກແຂວງເຈົ້າແຂວງໆຫົວພັນ, ທ່ານ ຈິ້ງ ວັນຈ່ຽນ ກຳມະການສູນກາງພັກ,
ເລຂາພັກແຂວງປະທານສະພາປະຊາຊົນແຂວງແທັງຮວ່າແຫ່ງ ສສ ຫວຽດນາມ ແລະ ມີການນຳຂັ້ນສູງສອງແຂວງຫົວພັນŒແທັງຮວ່າ, ທ່ານ ກົງສູນໃຫຍ່ຫວຽດນາມປະຈຳພາກເໜືອລາວ, ການນຳເມືອງ 10 ເມືອງ ຂອງແຂວງຫົວພັນ, ຄູອາຈານ, ນັກສຶກສາໂຮງຮຽນການເມືອງŒການປົກຄອງເຂົ້າຮ່ວມ.
ໂຮງຮຽນການເມືອງການປົກຄອງແມ່ນຕັ້ງຢູ່ບ້ານບັກເມືອງວຽງໄຊ ເປັນອາຄານຖາວອນ 2 ຊັ້ນມີ 2 ຫຼັງ, ສາມາດບັນຈຸນັກຮຽນໄດ້ 420 ຄົນ, ມີສະໂມສອນ 1 ຫຼັງ ສາມາດບັນຈຸໄດ້ 350 ຄົນ, ຫ້ອງການ 1 ຫຼັງ 2 ຊັ້ນ, ຫໍສະມຸດ 1 ຫຼັງ 2 ຊັ້ນ, ຫໍພັກນັກຮຽນ 2 ຫຼັງ 2 ຊັ້ນ ສາມາດບັນຈຸນັກສຶກສາໄດ້ 168 ຄົນ, ເຮືອນຄົວ 1 ຫຼັງ, ຫໍພັກຄູອາຈານ 1 ຊັ້ນ 2 ຫຼັງ, ລະບົບໂຄງສ້າງອາຄານເບຕົງ ເສີມເຫຼັກ, ໂຄງຫຼັງຄາເຫຼັກມຸງດ້ວຍກະເບື້ອງ, ໄດ້ປະກອບໂຕະຕັ່ງ, ຕຽງນອນ, ໄຟຟ້າ, ນ້ຳປະປາຄົບຊຸດ.
ນອກນັ້ນຍັງກໍ່ສ້າງກຳແພງຮົ້ວອ້ອມຮອບຍາວ 680 ແມັດ, ປູພື້ນເດີ່ນ ແລະ ທາງລົດແລ່ນພາຍໃນຄຸ້ມຂອງໂຮງຮຽນ, ກໍ່ສ້າງລະບົບນ້ຳພຸ, ປູກຕົ້ນໄມ້ ແລະ ປູກຫຍ້າໂດຍແມ່ນບໍລິສັດຮຶງຟາດກໍ່ສ້າງສ້ອມແປງ, ເຄຫາສະຖານ, ຂົວທາງເປັນຜູ້ຮັບເໝົາກໍ່ສ້າງລວມໄລຍະເວລາ 36 ເດືອນ ນັບແຕ່ວັນທີ 1 ມີນາ 2011 ເຖິງ 1 ມີນາ 2014.
ການໃຫ້ທຶນຊ່ວຍເຫຼືອລ້າຂອງແຂວງແທັງຮວ່າໃນການກໍ່ສ້າງໂຮງຮຽນແຫ່ງນີ້ມີຄວາມສຳຄັນຫຼາຍຕໍ່ການພັດທະນາເສດຖະກິດŒສັງຄົມຂອງແຂວງຫົວພັນ ໂດຍສະພາະແມ່ນການພັດທະນາຊັບພະຍາກອນມະນຸດແກ່ແຂວງຫົວພັນໄດ້ຕິດພັນກັບປະຫວັດສາດຂອງພັກປະຊາຊົນປະຕິວັດລາວ, ປະຫວັດສາດແຫ່ງການກຳເນີດ ແລະ ຂະຫຍາຍຕົວຂອງສະຖາບັນການເມືອງŒການປົກຄອງແຫ່ງຊາດ, ມີຄວາມໝາຍສຳຄັນທາງດ້ານປະຫວັດສາດ ຊຶ່ງເປັນການອະນຸຮັກ ແລະ ຟື້ນຟູຄືນມູນເຊື້ອປະຕິວັດຂອງໂຮງຮຽນທິດສະດີການເມືອງŒການປົກຄອງ.
ໃນຕໍ່ໜ້າໂຮງຮຽນແຫ່ງນີ້ຈະກາຍເປັນໃຈກາງ ແລະ ສູນລວມແຫ່ງສະຕິປັນຍາເພື່ອບັນລຸຄາດໝາຍບຸກທະລຸໃນການພັດທະນາຊັບພະຍາກອນມະນຸດໂດຍສະເພາະແມ່ນການບຳລຸງກໍ່ສ້າງພະນັກງານນຳພາ, ພະນັກງານຄຸ້ມຄອງ ແລະ ພະນັກງານສືບທອດໃຫ້ແກ່ແຂວງຫົວພັນທີ່ມີຫຼາຍລະບົບ ແລະ ນັບທັງການເຝິກອົບຮົມເພື່ອການພັດທະນາໃນດ້ານວິຊາສະເພາະຕ່າງໆ ໃນພິທີ ທ່ານ ຄຳຮຸ່ງ ເຮືອງວົງສີ ກຳມະການສູນກາງພັກເລຂາພັກແຂວງເຈົ້າ ແຂວງຫົວພັນ ຍັງໄດ້ຕາງໜ້າລັດຖະບານລາວມອບຫຼຽນໄຊພັດທະນາຊັ້ນ I ຂອງປະທານປະເທດແຫ່ງ ສປປ ລາວ ໃຫ້ແຂວງແທັງຮວ່າ, ຕາງໜ້າລັດຖະບານຫວຽດນາມ ແລະແຂວງແທັງຮວ່າ ກ່າວຮັບໂດຍ ທ່ານ ຈິ້ງ ວັນຈ່ຽນ.
ແຫລ່ງຂ່າວຈາກ: ໜັງສືພີມເສດຖະກິດ-ສັງຄົມ